QR Joǵarǵy soty Statıstıka agenttiginiń burynǵy tóraıymy A.Meshimbaevaǵa qatysty isti qaıta qaraýdy negizsiz dep tanydy

ASTANA. QazAqparat - Búgin Qazaqstan Respýblıkasy Joǵarǵy Sotynyń qylmystyq ister jónindegi qadaǵalaýshy sot alqasynyń sýdıalary jeti jylǵa sottalǵan Qazaqstan Respýblıkasy Statıstıka agenttiginiń burynǵy tóraıymy A.Meshimbaevanyń múddesin qorǵaýshy advokattyń Astana qalasynyń №2 Esil aýdandyq sotynyń úkimin jáne odan keıingi qaýlylardy qaıta qaraý týraly ótinishhatyn aldyn-ala tyńdaýda qarastyrdy.

Bul týraly QR Joǵarǵy Sotynyń baspasóz qyzmetinen habarlady. Qylmystyq istiń materıaldarymen jáne qorǵaýshy taraptyń dálelderimen tanysa kele, qylmystyq ister jónindegi qadaǵalaýshy sot alqasynyń sýdıalary sot satylarynyń budan buryn shyǵarǵan sheshimderin negizdelgen jáne zańdy dep tanydy. Іsti qadaǵalaý tártibinde qaıta qaraý úshin negizdiń joqtyǵy anyqtaldy.