QR Joǵarǵy soty kúdiktini qylmysker retinde kórsetpeýdi surady
«Belgili bir sheneýnikti ne adamdy ustaǵan kezde is sotqa kelmeı turyp, quqyq qorǵaý organdarymyz brıfıng ótkizip, kúdiktini halyqqa birden qylmysker sekildi kórsetedi. Alaıda, sot protsesi barysynda ol adamnyń eshqandaı qylmys jasamaǵany anyqtalady. Sol kezde qoǵam «ol adamdy nege bosatyp jiberdi?« dep shý kóteredi. Eger onyń qylmysy dáleldenbese, qalaı sottaımyz? Mine, osyndaı faktilerdi aldaǵy ýaqytta quqyq qorǵaý organdary birden jarııa qylmaýy kerek. Adamǵa qylmysker, jemqor aıybyn taqpas buryn aq-qarasyn ajyratyp, dálelderi bolǵan kezde ǵana prokýratýranyń ruqsatymen jarııalaý tıis», - dedi ol búgin Ortalyq kommýnıkatsııalar qyzmetindegi baspasóz máslıhatynda.
Onyń atap ótýinshe, QR Prezıdenti janynan sot-quqyq reformalary jóninde 2 komıssııa qurylǵan.
«Osy komıssııanyń jumys toby qandaı sharalar qabyldaý kerektigin ázirleıdi. Daıyn bolǵanda sizderge qosymsha jarııalaımyz», - dedi Aıdos Sádýaqasov.
Esterińizge sala keteıik, QR sýdıalarynyń VIII sezinde Memleket basshysy Qasym-Jomart Toqaev sýdıalardyń quqyq qorǵaý organdaryna táýeldiliginiń jalǵasýy kúrdeli problema bolyp otyrǵandyǵyn aıtqan edi.