QR Joǵarǵy soty ákim men kommýnaldyq boryshkerdiń isin toqtatý qaýlysyn ózgerissiz qaldyrdy

ASTANA. QazAqparat - QR Joǵarǵy soty Qostanaı oblysyndaǵy Jitiqara qalasynyń burynǵy ákimi ákimine qatysty ákimshilik quqyqbuzýshylyq týraly isti toqtatý qaýlysyn ózgerissiz qaldyrdy, dep habarlady QR Joǵarǵy sotynyń baspasóz qyzmetinen.

Joǵarǵy sot mamandandyrylǵan alqasynyń qaýlysymen Qostanaı oblystyq sotynyń azamattyq jáne ákimshilik ister boıynsha apellıatsııalyq sot alqasynyń  E.Jandyrovty QR ÁQK-niń 79-babynyń 2-tarmaǵy boıynsha ákimshilik jaýapkershilikke tartý týraly qaýlysynyń kúshi joıyldy. Joǵarǵy sot Qostanaı oblysy Jitiqara aýdandyq sotynyń atalǵan is boıynsha óndiristi toqtatý týraly qaýlysyn ózgerissiz qaldyrdy.  

Іs materıaldaryna qaraǵanda,  2015 jyly 18 qyrkúıekte Jitiqara aýdanynyń ákimine Jitiqara qalasynyń bir top turǵyny kórshileriniń elektrjabdyqtaý júıesine óz betterimen qosylyp, kóp ýaqyt boıy kommýnaldyq qyzmetti tólemeı kelgenine shaǵym aıtqan. Atalǵan shaǵymdy qarastyrý barysynla Jitiqara qalasynyń ákimi  E.Jandyrov ony qarastyrýda «Jitiqarakommýnenergo» MKK men Jitiqara aýdany ákimdiginiń eńbekpen qamtý jáne áleýmettik baǵdarlamalar bóliminiń basshylaryna tapsyrǵan.

Shaǵymdy qarastyrǵan soń, boryshkerge qatysty qabyldanǵan sharalar týraly málimdemege jazbasha túrde jaýap joldandy.

Osy arada Jitiqara aýdandyq prokýrorynyń qaýlysymen Jitiqara qalasy ákimi  E.Jandyrovqa qatysty qyzmettik babyn paıdalanyp jeke málimetterdi zańsyz jınaý boıynsha ákimshilik quqyqbuzýshylyq týraly is qozǵaldy.  

Jitiqara aýdandyq soty is materıaldaryn qarastyryp is boıynsha ákimshilik óndiristi toqtatty.  Alaıda Qostanaı oblystyq sotynyń apellıatsııalyq ınstantsııasy atalǵan qaýlynyń kúshin joıdy.   

QR Joǵarǵy Qostanaı oblystyq sotynyń apellıatsııalyq ınstantsııasynyń qaýlysynyń kúshin joıyp, Jitiqara aýdandyq sotynyń qaýlysyn ózgerissiz qaldyrdy.