QR vıtse-premerine Agrarlyq ǵylymdy reformalaý baǵdarlamasynyń jobasy tanystyryldy
onda Aýyl sharýashylyǵy mınıstrligi men «QazAgroInnovatsııa» AQ Qazaqstan Respýblıkasynda Agrarlyq ǵylymdy reformalaý baǵdarlamasynyń jobasyn tanystyrdy.
Keńeske sondaı-aq qarjy, ındýstrııa jáne jańa tehnologııalar, bilim jáne ǵylym vıtse-mınıstrleri men ózge de quzyrly mekemelerdiń ókilderi qatysty.
«QazAgroInnovatsııa» AQ-nyń baspasóz qyzmetinen málim etkendeı, Agrarlyq ǵylymdy reformalaý baǵdarlamasynyń jobasy 2011 jyldyń 11 qarashasynda ótken Agroónerkásip kesheni qyzmetkerleriniń respýblıkalyq forýmynda Elbasy N.Nazarbaevtyń bergen tapsyrmalaryn oryndaý maqsatynda ázirlendi.
Reformalaýdyń maqsaty generatsııanyń biryńǵaı, turaqty júıesin qalyptastyrý jáne agroónerkásip keshenine ınnovatsııalardy engizý bolyp tabylady.
Baǵdarlamaǵa sáıkes agrarlyq ǵylym júıesin reformalaý birneshe baǵyt boıynsha júzege asyrylatyn bolady. Birinshiden, agrarlyq ǵylymdy basqarýdyń jańa júıesi qurylatyn bolady. Onyń negizi aýylsharýashylyq salasyndaǵy zertteýlerdiń bas uıymy jáne salalyq ınnovatsııalyq júıeniń operatory bolyp tabylatyn «QazAgroInnovatsııa» AQ bolady. Josparlanyp otyrǵan ózge jańashyldyqtar - aýylsharýashylyq ǵylymdary jónindegi jeke-dara ulttyq ǵylymı keńesti qurý, zertteýler taqyryptaryn qalyptastyrýda keshendi ǵylymı-tehnıkalyq baǵdarlamalardy qurýǵa kóshý, ǵalymdardyń ákimshilik protsedýralardan táýelsizdigi.
Ekinshiden, baǵdarlama agrarlyq ǵylymdy qarjylandyrýdy aýylsharýashylyq ónimderin eksporttaýshy jetekshi elderdiń deńgeıine kezeń-kezeńimen jetkizýdi qarastyrady. Máselen, 2015 jyldan bastap agrarlyq zertteýlerge jyl saıynǵy qarjylandyrýdy salanyń jalpy óniminiń 1 paıyzyna deıin jetkizý josparlanýda.
Úshinshi aspekt - jańa kadrlyq saıasat. Qazirgi ýaqytta kadrmen qamtamasyz etý problemasy agrarlyq ǵylymdaǵy anaǵurlym ótkir turǵan túıitkil. Aýylsharýashylyq zertteýlerine qarjylandyrýdy arttyrý kózdelip otyrǵanyna baılanysty 2014 jyldan bastap ǵylymı qyzmetkerlerdiń eń tómengi jalaqysyn - ekonomıkadaǵy ortasha eńbekaqydan 150 paıyzdan kem emes, ınjenerlik-tehnıkalyq personaldikin - ekonomıkadaǵy ortasha jalaqydan tómen emes kólemde belgileý josparlanýda.
Kadrlyq saıasattaǵy bólek baǵyt - jas ǵalymdardy aýylsharýashylyq ǵylymyna tartý. «QazAgroInnovatsııa» AQ-nyń jas ǵalymdardy qoldaý korporatıvtik qory qurylady, jas ǵalymdar keńesteriniń quzireti keńeıtiledi.
Tórtinshi baǵyt - ınfraqurylymdy jańǵyrtý. 2013 jyldyń ishinde «QazAgroInnovatsııa» AQ júıesin uıymdastyrýshylyq reformalaý júrgizý kózdelgen, budan keıin árbir uıymǵa jańǵyrtýdyń kezeńdik baǵdarlamasy ázirlenedi. Kelesi jańǵyrtý turaqty túrde júrgiziletin bolady - ǵylymı uıymnyń mártebesine baılanysty 3-ten 10 jyl aralyǵynda.
Aıtylǵandaı, atalǵan is-sharalar tek keshendi negizde ǵana AÓK-de básekege qabiletti ári tıimdi salalyq ınnovatsııalyq júıeni qalyptastyrýǵa múmkindik beredi. Bul úzdik sheteldik analogtar deńgeıinde ınnovatsııalardy jasaýǵa jáne engizýge múmkindik beredi.
Keńes nátıjesi boıynsha atalǵan josparlar qoldaý tapty, baǵdarlamanyń jeke tarmaqtaryn jete pysyqtaý, sondaı-aq baǵdarlamaǵa qarjylyq esepteýlerdi daıyndaý, ǵalymdar tobyna jáne aýylsharýashylyq bıznes sýbektilerine onyń tanystyrylymyn uıymdastyrý boıynsha birqatar tapsyrmalar berildi.