QR uıǵyrlary mádenı ortalyǵy Májilis pen máslıhat depýtattarynyń kezekten tys saılaýyn ótkizý bastamasyn qoldaıdy

ASTANA. QazAqparat - Qazaqstan Respýblıkasynyń uıǵyrlary respýblıkalyq mádenı ortalyǵy Parlament Májilisi men barlyq deńgeıdegi máslıhattar depýtattarynyń kezekten tys saılaýlaryn ótkizý bastamasyna qoldaý bildirip, málimdeme jasady. «QazAqparat» HAA málimdemeniń tolyq mátinin usynady.

Qazaqstan Respýblıkasynyń uıǵyrlary respýblıkalyq mádenı ortalyǵynyń Parlament Májilisi men barlyq deńgeıdegi máslıhattar depýtattarynyń kezekten tys

saılaýlaryn ótkizý bastamasyn qoldaý týraly

MÁLІMDEMESІ

 

Qazaqstan Respýblıkasynyń uıǵyrlary respýblıkalyq mádenı ortalyǵy Parlament Májilisi men barlyq deńgeıdegi máslıhattar depýtattarynyń kezekten tys saılaýlaryn ótkizý týraly bastamaǵa óziniń qoldaý bildiretinin málimdeıdi.

Elbasynyń joly elimizge damýdyń adam aıtqysyz shyńdaryn baǵyndyrýǵa múmkindik berdi.

Beıbitshilik, turaqtylyq jáne kelisim táýelsiz Qazaqstan tabystarynyń álem tanyǵan nyshandaryna aınaldy.

Jáne búginde, álemdik ekonomıkalyq daǵdarys jaǵdaıynda, Qazaqstan halqy Máńgilik El ıdeıasymen rýhtanyp otyr, sondaı-aq, eldiń barlyq resýrstaryn ósimniń jańa kókjıekterin baǵyndyrý úshin jumyldyrýǵa shaqyrady.

Biz ózimizdiń ortaq jolymyzdy tańdap aldyq jáne Parlament Májilisi men máslıhattarǵa el damýynyń jańa, jaýapty kezeńinde joǵary senim bildiretinimizdi qýattaýǵa daıynbyz.

Elimizdiń jańa depýtattyq korpýsy barlyq saıası partııalardyń ózara is-qımylynyń tıimdi tetigi bolýy, bizdiń ilgerileýimizdiń irgetasy retinde beıbitshilik pen kelisimdi nyǵaıtýdy qamtamasyz etýi tıis.