QR Ulttyq paralımpıadalyq komıtetine jańa vıtse-prezıdent taǵaıyndaldy

ASTANA. 23 qyrkúıek. QazAqparat - Qazaqstan Respýblıkasy Ulttyq paralımpıadalyq komıtetiniń Prezıdenti Qaletaev Darhan Amanulynyń buıryǵymen Jumabaev Aıdar Ábilmájinuly Qazaqstan Respýblıkasy Ulttyq paralımpıadalyq komıtetiniń vıtse-prezıdenti bolyp taǵaıyndaldy

Bilimi joǵary, M.Gorkıı atyndaǵy Máskeý ádebıet ınstıtýtyn aıaqtaǵan.

2003 jyldyń qyrkúıeginen 2009 jyldyń qańtaryna deıin Aıdar Jumabaev «Mır» MTRK Qazaqstan ortalyq ulttyq fılıalynyń dırektory qyzmetin atqardy.

Qazaq memlekettik televıdenııasynyń ádebı-dramatýrgııalyq baǵdarlamalar Bas redaktsııasynda eńbek etti, Qazaq Memlekettik ýnıversıtetiniń jýrnalıstıka kafedrasynyń oqytýshysy, táýelsiz «Tań» telekompanııasynyń Bas redaktory, respýblıkalyq «NTK» telekompanııasynyń Prezıdenti, Halyqaralyq jýrnalıstıka ortalyǵynyń prezıdenti bolyp qyzmet etti, sonymen qatar, Qazaqstan teleradıohabarlar taratýshylar qaýymdastyǵyn basqardy.

Jerde teleradıohabar taratýdyń quqyǵyn ıelený konkýrsyn ótkizý boıynsha úkimettik komıssııanyń múshesi ári Qazaqstan Respýblıkasy Prezıdentiniń janyndaǵy BAQ jónindegi Qoǵamdyq keńestiń múshesi bolyp tabylady.

«Qurmet» ordenimen marapattalǵan.