QR Ulttyq mýzeıiniń qyzmetkeri Astanada Abylaı hannyń shapany saqtalyp otyrǵanyn aıtty (FOTO)
Aktsııa 15 mamyrda Qazaqstannyń qalyptasýy men damýyn, eldegi mýzeı isiniń keshegisi men búginin, sondaı-aq «Máńgilik el» ulttyq ıdeıasyn jarqyn boıaýlarmen kórsetken flesh-mobpen bastaldy, dep habarlady QR Ulttyq mýzeıiniń baspasóz qyzmeti.
Aktsııa aýqymynda Ulttyq mýzeıge «Qazaqstan halqy Assambleıasy - 20 izgi is» estafetasynyń sımvoly - Taıqazan saltanatpen tapsyryldy. Sondaı-aq «Qazaqstan» RTRK» AQ mýzeıge Uly Otan soǵysynyń 70 jyldyǵyna arnalǵan kitaptar serııasyn syıǵa tartty. Sharanyń jalǵasy 18 mamyrda «Mýzeıdegi tún» aktsııasyna ulasty, oǵan kelgen qonaqtar alǵashqy qaýymdyq qurylystaǵy adamdar, saq hanshaıymy, qazaq batyrlary, sáýkeleli qalyńdyq sııaqty eldiń ejelgi tarıhynan kórinisterdi tamashalady. Mýzeı hollynda kelýshiler «kókte» samǵaǵan búrkitti tamashalap, úlken medıa-ekrannan - Qazaqstan Kartasy boıynsha elimizdiń keń baıtaq jerlerine vırtýaldi saıahat jasady. Sharanyń ashylýynda QR Mádenıet jáne sport mınıstri Arystanbek Muhamedıuly sóz sóıledi. Ol óz sózinde elimizde mýzeı isi qarqyndy damyp kele jatqanyn, bul salany kúsheıtý úshin pármendi sharalar qolǵa alynǵanyn atap ótti. Bul aktsııa Ortalyq Azııadaǵy eń iri aktsııa boldy. Ulttyq mýzeıdiń dırektory Darhan Myńbaı jınalǵandarǵa «Mýzeıdegi túnniń» mańyzy týraly aıtyp berdi. Ol halyqty óz tarıhyn bilip, búginimizdi baǵalaýmen qatar birlikti nyǵaıtyp, halyq murasyn kózdiń qarashyǵyndaı saqtaýǵa, birtutas halyq retinde ortaq ıdeıa tóńiregine toptasýǵa shaqyrady.
«Árıne, mýzeıge, mádenıetke qamqorlyqty beıbit jáne ál-aýqaty jaqsy el ǵana kórsete alady. Básekege qabiletti el bolý úshin biz mádenıetimizdi de joǵary deńgeıge kóterýimiz qajet. Ulttyq mýzeıde eksponattardy saqtaýǵa jáne ony erkin kórýge barlyq jaǵdaı jasalǵan. Mundaı aktsııalar jas urpaqty tárbıeleý úshin qajet, sondyqtan da Ulttyq mýzeı ujymy jastarǵa óz tarıhyn tanýyna barynsha kómektesýdi óziniń boryshy sanaıdy», - dedi D.Myńbaı.
Qonaqtar úshin arnaıy teatrlandyrylǵan ekskýrsııalar ótkizildi, ártúrli taqyryptyq kórmeler uıymdastyryldy. Barlyq tilek bildirýshiler tarıh pen mádenıet boıynsha oıyndar men vıktorınalarǵa qatysty. Kópshiligi ártúrli baǵyttar boıynsha mamandardyń dáristerin tyńdady. Sondaı-aq baǵa jetkisiz eksponattar men tarıhı jádigerlikter jóninde derekti fılmder kórsetildi. Sonymen birge M.Gorkıı atyndaǵy memlekettik akademııalyq orys teatry soǵys jóninde spektaklden úzindiler, al L.Gýmılev atyndaǵy EUÝ stýdentteri men magıstranttary «Altyn adam týraly ańyz» qoıylymyn kórsetti.
Aktsııa aıasynda Qazaq handyǵynyń 550 jyldyǵy, Qazaqstan halqy Assambleıasynyń 20 jyldyǵy sııaqty eleýli merekelerge basa nazar aýdaryldy.
«Mýzeıdegi eń iri zal tarıhymyzǵa arnalǵan. Tarıh zaly Qazaq handyǵynyń qalyptasýy men damýy, handyqtaǵy batyrlar men bıler ınstıtýty, han kóterý rásimi sııaqty taqyryptardy qamtıdy. Bul zalda Abylaı han shapanynyń túpnusqasy, qazaq batyrlarynyń altyn jalatylǵan dýlyǵasy, Túrkistannan ákelingen qazaq handary dáýirindegi týlar saqtalǵan. «Mádenı mura» baǵdarlamasyn júzege asyrý barysynda tabylǵan artefaktiler de osy zalǵa qoıylǵan», - dedi Ulttyq mýzeıdiń ǵylymı qyzmetkeri Ǵalııa Aqpanbekova.
18 mamyrdaǵy mýzeılerdiń halyqaralyq kúni búkil álemde 1977 jyldan beri atalyp ótilýde. «Mýzeıdegi tún» aktsııasy alǵash ret 1997 jyly Germanııada uıymdastyryldy. 2001 jyly bul ıdeıany Parıjdegi Lývr qoldady, al keıinnen aktsııa dástúrli túrde álemniń kóptegen mýzeılerinde ótkizilip keledi.
QR Ulttyq mýzeıi «Mádenı mura» memlekettik baǵdarlamasyn júzege asyrý aýqymynda QR Prezıdenti N.Nazarbaevtyń tapsyrmasymen 2014 jylǵy 2 shildede quryldy, «Mýzeıdegi tún» aktsııasy munda bıyl alǵash ret ótkizilip otyr.