QR Ulttyq mýzeıi aqyly jumys rejımine kóshedi
«Qazaqstan Respýblıkasy mádenıet jáne sport mınıstrliginiń buıryǵymen 2015 jylǵy 21 aqpannan bastap, «Qazaqstan Respýblıkasy Ulttyq mýzeıi» RMKK-niń aqyly qyzmet túrlerin kórsetý erejeleri bekitildi», - delingen mýzeıdiń baspasóz qyzmeti habarlamasynda.
21 aqpannan bastap mýzeıge derbes kirý eresekter úshin - 500 teńge, stýdentterge - 300 teńge, mektep oqýshylaryna 200 teńge bolady. Uly Otan soǵysynyń ardagerlerine, múgedekterge, mektep jasyna deıingi balalarǵa, jetim balalarǵa, kóp balaly analarǵa mýzeıge kirý - tegin. Ekskýrsııa ótkizýge bıletter 1 myń teńgeden bastalady.
45 mınýttik 20 adamǵa arnalǵan qazaq jáne orys tilderindegi toptyq ekskýrsııa 1 myń teńge, shetel tilinde - 2 myń teńge turady. Mektep oqýshylary men balalarǵa, soǵys ardagerlerine, múgedekterge, mektep jasyna deıingi balalarǵa, jetim balalarǵa, kóp balaly analarǵa ekskýrsııalar - tegin.
Qazaqstan Respýblıkasynyń Ulttyq mýzeıi - Ortalyq Azııadaǵy eń iri jáne eń jas mýzeı, ol álemniń iri mýzeıleriniń ondyǵyna kiredi. Mýzeı Qazaqstan Respýblıkasynyń Prezıdenti N.Á.Nazarbaevtyń tapsyrmasymen «Mádenı mura» memlekettik baǵdarlamasyn júzege asyrý aıasynda 2014 jylǵy 2 shildede ashyldy. Mýzeı ashylǵannan beri barlyq kelýshiler úshin tegin jumys jasady. QR Ulttyq mýzeıinde 8 aıdaǵy jumysy kezinde 140 myńǵa tarta adam boldy.