QR Ulttyq ekonomıka mınıstrliginiń ókili janarmaıǵa qatysty jaǵdaıdy túsindirdi

NUR-SULTAN. QazAqparat - QR Ulttyq ekonomıka mınıstrliginiń baspasóz hatshysy Shyńǵys Іlııasov benzınge aktsızdiń ne sebepti kóterilgenin aıtty, dep habarlaıdy QazAqparat tilshisi.

«Aktsızdi kótergen sebebimiz - naryqta janar-jaǵarmaı materıaldaryna baǵalyq dısproportsııa jáne ashyq munaı ónimderine tapshylyq týyndaýyna jol bermeý. Aldyn ala esepteýler boıynsha, atskızdi kótergen jaǵdaıda 2020 jyly bıýdjetke 50,6 mlrd. teńge mólsherinde qosymsha túsimder túsetin bolady. Aktsızdi kótermegen kúnniń ózinde benzın baǵasy qymbattaı berýi múmkin. Negizinen baǵa suranys pen usynysqa baılanysty qalyptasady. Mysaly, 2015 jyly aktsız mólsheri eki ese kóterilgenmen, benzın baǵasy ózgergen joq bolatyn», - deıdi baspasóz hatshysy.

Sondaı-aq, ol benzın baǵasy qandaı jaǵdaıda tekseriletinin aıtty.

«Biz naryqtaǵy benzın baǵasyn monopolııaǵa qarsy zańnamalar buzylǵan jaǵdaıda tekseremiz. Sonymen katar benzın baǵasy qaı jerde, qansha teńgege qymbattaǵany týraly statıstıkalyq esep bar. QR Energetıka mınıstrliginiń saıtynan da benzın baǵasy týraly aqparatty kórýge bolady», - deıdi Shyńǵys Іlııasov.

Aıtyp ótý kerek, osyǵan deıin QR Energetıka mınıstrligi benzın tapshylyǵy joq ekenin, kerisinshe artyǵymen bar eken aıtqan bolatyn.