QR Ulttyq ekonomıka mınıstrligi Qazaqstandaǵy baspana qunynyń joǵary bolýy sebepterin atady

ASTANA. QazAqparat - QR Ulttyq ekonomıka mınıstrligi Qazaqstanda baspana baǵasynyń joǵary bolýynyń sebepterin aıtyp berdi.

«Elimizde baspana qunynyń joǵary bolýynyń negizgi sebebi otandyq qurylys kompanııalarynda ózindik jeke kapıtalynyń qajetti kólemde bolmaýyna baılanysty», - delingen mınıstrliktiń «QazAqparat» HAA-nyń resmı saýalyna bergen jaýabynda.

Kóptegen qurylys kompanııalary jeke qarjylyq jaǵdaıyn ary qaraı nyǵaıtý maqsatynda turǵyn úı qurylysy úshin bankter zaımdaryn tartady. Osyǵan baılanysty olar salatyn úılerdiń ózindik qunyna atalǵan nesıelerdiń de tólemi enedi. Óz kezeginde bul baspananyń sońǵy saýdalanatyn qunyn arttyrady.

Sonymen qatar 2011-2013 jyldary qurylys qunynyń negizgi ósimine energııa tıimdilikti qoldaný, jalaqynyń ósimi, qurylys materıaldary baǵasynyń artýy, mashınalar men mehanızmderdi paıdalaný áser etti.

Otandyq qurylys kompanııalary ózderiniń damýyna múmkindik beretin, sondaı-aq joǵary baǵa saldarynan baspana satylymynyń tómendeýine áser etpeıtindeı kólemdegi turǵyn úı qunyn ózderi aıqyndaıdy.

Mınıstrliktegiler kommertsııalyq baspana naryǵy ózge naryqtar sekildi básekelestik ortada damýy kerektigin atap ótýde.