QR Ulttyq ekonomıka mınıstrligi AQSh tarapynan sanktsııa salynǵan kompanııaǵa qatysty pikir bildirdi

ASTANA. QazAqparat - QR Ulttyq ekonomıka mınıstrligi «Defence Engineering» kompanııasyn AQSh Qarjy mınıstrliginiń Sheteldik aktıvterdi baqylaý basqarmasy (OFAC) SDN sanktsııalar tizimine rasymen engizgenin rastady, dep habarlaıdy QazAqparat.

QR Ulttyq ekonomıka mınıstrligi baspasóz qyzmetiniń habarlaýynsha, kásiporyn Astanada tirkelgen. Búginde ol belsendi emes. QR Qarjy mınıstrliginiń aqparaty boıynsha, kompanııanyń qyzmeti 14.02.2021 jyldan bastap toqtatylǵan.

QR Indýstrııa jáne ınfraqurylymdyq damý mınıstrliginiń málimetterine sáıkes, atalǵan kásiporynǵa erekshe taýarlardy ótkizýge lıtsenzııa, ruqsat berilmegen.

«Biz kompanııanyń sanktsııalar tizimine engizilýin Qazaqstannyń rezıdenti bolyp tabylmaıtyn, onyń ıesi Ashot Mkrtychevtiń AQSh sanktsııasynda bolýymen baılanystyramyz. Kompanııanyń sanktsııalar tizimine engizilýi tehnıkalyq sıpattaǵy jáıt.

Bul adam 2020 jylǵy 7 naýryzda QR aýmaǵynan ketip qalǵan. Odan keıin elge kirmegen.

«Defence Engineering»-ten basqa, onyń basqa ıýrısdıktsııalarda tirkelgen eki kompanııasy da sanktsııaǵa ilikken.

Biz batystaǵy áriptesterimizben únemi baılanystamyz. Bul kompanııa boıynsha tıisti sharalar qabyldanatyn bolady»,-delingen habarlamada.