QR Ulttyq bankiniń tsıfrlyq valıýtaǵa qatysty zertteýi kópshilik talqylaýyna usynyldy

NUR-SULTAN. QazAqpaat – QR Ulttyq bankiniń tsıfrlyq valıýtaǵa qatysty zertteýi kópshiliktiń talqylaýyna usynyldy, dep habarlaıdy QazAqparat QR Ulttyq bankiniń baspasóz qyzmetine silteme jasap.

Ulttyq tsıfrlyq valıýta – bul Qazaqstan Respýblıkasynyń Ulttyq bankiniń tsıfrlyq nysanda usynylǵan mindettemesi bolyp tabylatyn aqsha qarajatynyń perspektıvaly nysany.

Tsıfrlyq teńge zańdy tólem quraly, qun ólshemi jáne jınaq quraly bolyp tabylady. Platformany júzege asyrý úshin qarjy naryǵynyńqatysýshylar tólem servısteri qyzmetin kórsetip, Ulttyq bank ınfraqurylymyn qamtamasyz etetin eki deńgeıli arhıtektýra qarastyrylýda.

Tsıfrlyq teńgeni shyǵarý boıynsha sheshim qabyldaý úshin eń aldymen tsıfrlyq valıýta sheshetin mindetterdi anyqtaı otyryp, onyń paıdasy men zııanyn, aqsha-kredıt saıasatyna áserin, qarjy turaqtylyǵyn jáne tólem ekojúıesin, ony shyǵarý jáne taratý ádisin, qoldanylatyn tehnologııasyn jan-jaqty zertteý qajet.

Qazaqstan Respýblıkasynyń Ulttyq Banki bul jumysty qarjy naryǵynyń qatysýshylarymen, sarapshylar qoǵamdastyǵymen jáne halyqaralyq áriptestermen birlesip júrgizýdi josparlap otyr.

2021 jylǵy mamyrda Qazaqstan Respýblıkasy Ulttyq Bankiniń zertteý baıandamasy kópshilik talqylaýǵa jarııalandy.