QR Ulttyq banki tólem kartochkalary boıynsha operatsııalarǵa qyzmet kórsetýge arnalǵan bankaralyq ınfraqurylym qurady
Іske asyrylyp otyrǵan bastama qazaqstandyq emıtentterdiń tólem kartochkalaryn paıdalana otyryp jasalatyn operatsııalardyń qaýipsizdigi men úzdiksizdigin qamtamasyz etýge baǵyttalǵan. Sondaı-aq bul joba respýblıka ishinde bankaralyq esep aıyrysýlardy ótkizýdi ońtaılandyryp, Qazaqstanda tólem kartochkalaryna qyzmet kórsetý shyǵyndaryn odan ári tómendetýge septigin tıgizbek. Osy bastama sheńberinde qazaqstandyq bankterge olardyń kartochkalyq operatsııalaryn óńdeý boıynsha operatsııalyq-klırıngtik qyzmetter kórsetetin táýelsiz tólem platformasy (júıesi) iske qosylatyn bolady. Bul rette bankter men olardyń protsessıngtik ortalyqtary arasyndaǵy ózara is-qımyldy uıymdastyrý deńgeıinde operatsııalardy óńdeý úshin bankaralyq ınfraqurylym qalyptastyrylady. Klıentterge el ishindegi operatsııalarynyń úzdiksizdigi men aıaqtalýyna kepildik bere otyryp, olardyń óńdelýine jáne bankter arasynda ótýine arnalǵan jańa tetik engiziledi. Osy jobany iske asyrý nátıjesinde ekinshi deńgeıdegi bankter úshin júıe qyzmetterine teń qoljetimdilikti («teń qashyqtyqta bolý» qaǵıdatyn saqtaý) qamtamasyz etetin ári olardyń arasyndaǵy tıimdi básekelestikti damytý úshin ońtaıly jaǵdaılar jasalatyn bolady. Bul júıeni «Qazaqstan Respýblıkasy Ulttyq bankiniń Qazaqstan bankaralyq esep aıyrysý ortalyǵy» RMK (ulttyq tólem júıeleriniń qazirgi operatory) bazasynda qurý josparlanyp otyr. Bankterdiń júıege qatysýy eriktilik qaǵıdatyna negizdeletin bolady. Qajettilik bolǵan kezde ekinshi deńgeıdegi bankter basqa bankterdiń klıentterine qyzmet kórsetý kezinde bankaralyq tólemder ótkizýdiń qazirgi arnalaryna qosa rezervtik alań retinde jańa júıe servısterin paıdalana alady. Baspasóz qyzmeti habarlaǵandaı, jańa júıe keler jyldyń 3-shi toqsanynda iske qosylady. 2015 jyldyń sońyna deıin júıeniń jumys isteý tártibin jáne tetigin reglamentteıtin qajetti normatıvtik quqyqtyq qujattardy ázirleý jáne qabyldaý josparlanyp otyr.