QR Ulttyq banki problemaly banktermen kelissózder júrgizýde
Onyń sózine qaraǵanda, aǵymdaǵy jyly úsh banktiń, ıaǵnı EksımBank, Astana Banki jáne Qazaq Banki-niń klıentteri aldyndaǵy mindettemelerin ýaqytynda oryndamaýyna baılanysty jańa depozıtter qabyldaý, úsh aı merzimge jeke tulǵalardyń banktik shottaryn ashý boıynsha lıtsenzııalary toqtatyldy. Qazirgi kezde EksımBank, Qazaq Banki men Astana banki ótimdiliktiń jetkilikti deńgeıin qamtamasyz etýde qıyndyqtarǵa tap bolýda. Úsh bankte de klıentter aldyndaǵy mindettemelerin ýaqtyly oryndaý shekteýli bolyp otyr.
«Ádette, problemaly bankter jaqsy kredıtter bermeıdi. Olardyń nesıe portfelderiniń ósýinen kapıtal qory kúsheımeıdi. Olardyń táýekelderdi basqarý jáne korporatıvtik basqarý standarttaryn joǵary dep te aıta almaımyz, al nesıe portfeliniń sapasy barynsha tómen kúıinde qalyp otyr», - dep túsindirdi D. Aqyshev
D. Aqyshevtiń aıtýynsha, UB tarapy EksımBanktiń, Qazaq Banki men Astana bankiniń qarjylyq jaǵdaıyna monıtorıng jasap, bankterdiń menedjmentimen jáne aktsıonerlerimen jaǵdaıdy turaqtandyrýǵa baǵyttalǵan sharalardy ázirleý boıynsha kelissózder júrgizip jatyr.
Sóz sońynda ol Qazaqstan Ulttyq bankiniń depozıtterdi qabyldaýǵa lıtsenzııasy bar ekinshi deńgeıdegi bankterdiń depozıtterge mindetti kepildik berý júıesiniń qatysýshylary bolyp tabylatynyn eske saldy. «Jeke tulǵalardyń salymdary, aqshasy men tólem kartochkalary jáne bank shottary 10 mln teńgege deıingi somada depozıtterge kepildik berý júıesimen qorǵalǵan», - dedi D. Aqyshev.