QR Ulttyq banki men Qytaı Halyq banki arasynda yntymaqtastyq týraly Memorandýmǵa qol qoıyldy
Ondaǵy málimetterge qaraǵanda, Memorandým Qarjylyq yntymaqtastyq jónindegi Qazaqstan-Qytaı kishi komıtetiniń ózara esep aıyrysýda ulttyq valıýtalardy qoldaný týraly sheshimderin iske asyrý aıasynda Qazaqstanda ıýanmen ózara esep aıyrysýdy damytýǵa baǵyttalǵan.
Memorandým klırıng jáne ulttyq valıýtalardaǵy transshekaralyq esep aıyrysýlardy damytý jónindegi derektermen almasý máseleleri boıynsha ortalyq bankterdiń ýaǵdalastyqtaryn bekitedi.
«Memorandým jasasý – Qazaqstan men Qytaı arasynda qarjy salasyndaǵy Qazaqstan-Qytaı yntymaqtastyǵyn nyǵaıtýdaǵy jańa qadam bolyp tabylady jáne transshekaralyq esep aıyrysýlarda ulttyq valıýtalardy neǵurlym keńinen paıdalanýǵa, sondaı-aq ózara saýda jáne ınvestıtsııalyq qyzmetti damytýǵa yqpal etedi»,-delingen habarlamada.