QR Ulttyq banki ıkemdi talaptarmen júktemeli saqtandyrýdy engizýdi usyndy

ASTANA. QazAqparat - Qazaqstanda ıkemdi talaptardy eskeretin júktemeli saqtandyrýdy engizýdi josparlanyp otyr. Búgin Májilistiń Qarjy jáne bıýdjet komıteti men «Nur Otan» partııasynyń Májilistegi fraktsııasy janyndaǵy Ekonomıkalyq saıasat jónindegi keńestiń dóńgelek ústelinde QR Ulttyq bank tóraǵasynyń orynbasary Janat Qurmanov osylaı málim etti, dep habarlaıdy QazAqparat.

Shara barysynda depýtattar «Qazaqstan Respýblıkasynyń keıbir zańnamalyq aktilerine saqtandyrý jáne saqtandyrý qyzmeti máseleleri boıynsha ózgerister men tolyqtyrýlar engizý týraly» zań jobasyn talqylady.

«Zań jobasynda júkteme saqtandyrýy engizý máselesi qarastyrylǵan. Bul turǵyda biz kóptegen elderdiń tájirıbesin eskerdik. Osy elderde dástúrli mindetti saqtandyrýdan modıfıkatsııalanǵan túrine aýysý úrdisi baıqalýda, ıaǵnı júkteme saqtandyrý qamtylǵan. Máselen, Frantsııada mindetti saqtandyrýdyń 100-den astam túri bar, olardyń ishinde tek tórteýi ǵana zańnamalyq akti deńgeıinde retteledi. ıAǵnı onda zań deńgeıinde mindetti saqtandyrýdyń qyzmet etýiniń talaptary men tártibi aıqyn reglamenttelgen. Mindetti saqtandyrýdyń qalǵan túrleri júktemeli túrde jumys isteıdi, osy oraıda jeke arnaıy zańdy qabyldaý qajettiligi joq», - dedi Janat Qurmanov.

Onyń sózine qaraǵanda, júkteme saqtandyrý aıtarlyqtaı ıkemdi talaptardy eskeredi. Naryqtyń kásibı qatysýshysy saqtandyrýdy satyp alýdy mindetteıdi, osy saqtandyrýǵa mindetti talaptardy zań deńgeıinde usynady. Al qalǵandary klıent pen saqtandyrý kompanııasy arasyndaǵy kelisimsharttyq qatynastar deńgeıinde júredi.

«Saqtandyrý talaptary klıent úshin beıimdelip, onyń qajettilikterin eskeredi», - dedi J. Qurmanov.

Onyń paıymynsha, Qazaqstanda kásibı jaýapkershiliktiń mindetti saqtandyrýynyń birqatary júktemeli saqtandyrý rejimine aýysa alady.