QR Ulttyq banki ekinshi deńgeıli bankterdegi jumys istemeıtin nesıelerdi azaıtý jumysyn bastady
Onyń aıtýynsha, qarjylyq turaqtylyqty qamtamasyz etý - Ulttyq banktiń basty mindetteriniń biri. Sondyqtan Ulttyq retteýshi mundaı jumystardy turaqty negizde júrgizip keledi.
Mysaly, 2014 jylǵy qarjylyq turaqtylyq týraly qorytyndy esepte Ulttyq bank qamsyzdandyrylmaǵan nesıeler boıynsha nesıelik táýekeldiń tym joǵary ekendigin jáne jeke tulǵalardyń salymdaryna negizdelgen qor jınaý bazasyna qatysty joǵary táýekeldilikterdi atap ótti.
Mundaı táýekelder jiti baqylaýdy talap etedi. Olardyń jıyntyqty áseri banktiń ótempazdyǵy men menshikti kapıtalynyń azaıýyna ákep soǵýy múmkin.
Osyǵan baılanysty, QR Ulttyq banki birinshiden, jeke tulǵalardyń depozıtterine negizdelgen qor jınaý bazasynyń qalyptasýyna baılanysty táýekelderdi azaıtý, ekinshiden jeke salymdardy táýekeli joǵary nesıe berýdiń kózi retinde qarastyrmaý jaıyndaǵy talaptardy engizýdi qarastyryp jatyr.
Bul sharalar halyqaralyq Bazel komıteti bekitken kapıtal boıynsha halyqaralyq kelisimnen bastaý alady. Al bul, Ulttyq bank tarapynan ekinshi deńgeıdegi bankterdiń kapıtalynyń eki deńgeıli qorǵanysyn qalyptastyrýdy talap etedi.
Birinshi deńgeı joǵary táýekeldi nesıeler boıynsha bazalyq menshikti kapıtaldyń joǵary deńgeıin qalyptastyrý, ekinshi, turǵyndardyń salymdarynyń úles salmaǵy joǵary bolyp sanalatyn bankterdegi ártaraptandyrylmaǵan qor jınaý bazasyna qatysty qadaǵalaýshy ústemeaqyny engizý.
Bir sózben aıtqanda, negizinen turǵyndardyń salymdary negizinde táýekeldi nesıe berýmen aınalysatyn bankterde joǵary menshikti kapıtal bazasyn qalypastyrý qaralýda.
O. Smolıakovtyń aıtýynsha, bul sharalar bankterdiń turaqtylyǵyn arttyrady.