QR Ulttyq banki basshysy qarjy sektoryn qaıta jańǵyrtýǵa qatysty josparymen bólisti

MÁSKEÝ. QazAqparat - QR Ulttyq bank basshysy Prezıdenttiń bıylǵy joldaýyndaǵy altynshy qadam  - Qarjy sektoryn «qaıta jańǵyrtý» boıynsha qarjy retteýshisiniń josparymen bólisti, dep habarlaıdy QazAqparat tilshisi.

«Ótken jyly QR Ulttyq bankimen bekitilgen aqsha-nesıe saıasatynda 2018 jyly túbegeıli ózgeris bola qoımaıdy. Qarjy retteýshisi ınflıatsııalyq tergetteý aıasyndaǵy aqsha-nesıe saıasatyn júzege asyrýdy jalǵastyrady. Bul sharalar 2020 jyly orta merzimdi ınflıatsııa kórsetkishin 4 paıyzǵa jetkizýge baǵyttalǵan. Aldaǵy eki jylǵa 2018 jyly - 5-7 paıyz, 2019 jyly - 4-6 paıyz sheńberinde ustap turý maqsat etildi», - dedi ol.

Sonymen qatar Ulttyq bank transmıssııalyq mehanızmderdi jetildirýdi jalǵastyrady.

Bul baǵytta bank sektoryn saýyqtyrý, ekonomıkany dollarsyzdandyrý, qarjy retteý naryǵyn ońtaılandyrý kózdelip otyr.

Prezıdent aıtqan túıtkildi nesıeler portfelinen arylý máselesine qatysty QR Ulttyq bank basshysy mysal keltirdi.

«Qarjylyq turaqtylyqty qamtamasyz etý baǵdarlamasy aıasynda Kazkommertsbankti saýyqtyrý boıynsha sharalar qabyldandy. 2,4 trln teńge kólemindegi memlekettik qoldaýdyń arqasynda halyqtyń depozıti, zańdy tulǵalardyń qarjysy saqtaldy. Qazir banktiń jaǵdaıy oi dınamıkany kórsetip otyr. Halyqaralyq reıtıng agenttikteri reıtıng kórsetkishin kóterdi (Fitch - «SSS» - «VV-»)», - dedi ol.

Sonymen qatar, Aqyshev 5 iri bankke kómekke berilgen 650 mlrd teńge týraly da túsindirip ótti.

Olardyń aktıvteriniń jalpy úlesi -  27,5%, jeke tulǵalardyń depozıti - 25,5%, kvazımemlekettik sektor aldyndaǵy mindettemeleri -  30%.

«Jalpy alǵanda baǵdarlama uzaq merzimge tıimdiligin kórsetedi. Sebebi, baǵdarlama bankterdiń 1 trln teńge kólemindegi nashar nesıelerin joıýǵa múmkindik beredi», - dedi bas bankır.