QR UQK terrorısterdiń yqpalyna ergen qazaqstandyq áıelder týraly fılm túsirdi
21:35, 20 Maýsym 2019
NUR-SULTAN. QazAqparat - QR Ulttyq qaýipsizdik komıteti dinı ekstremızm men terrorızm qylmysyna baılanysty túrmede jazasyn ótep jatqan áıelder týraly «Qursaýdaǵy gúlder» derekti fılmin túsirdi, dep habarlaıdy QazAqparat tilshisi.
QR UQK baspasóz qyzmetinen málim etkendeı, derekti fılmniń basty keıipkerleri DAISh halyqaralyq terrorıstik uıymynyń (Qazaqstanda jáne birqatar ózge elderde tyıym salynǵan) yqpalyna qalaı túsip qalǵanyn baıandaıdy. Sonymen qatar, fılmde psıhologtardyń, teologtar men ulttyq qaýipsizdik qyzmetkerleriniń, basqa da saladaǵy mamandardyń pikiri keltiriledi.
Qazirgi ýaqytta atalmysh bappen 14 áıel bas bostandyǵynan aıyrý oryndarynda jazasyn ótep jatyr. Olardyń qylmysynyń motıvteri ártúrli.