QR UQK Shekara qyzmeti memlekettik shekarada josparly operatsııa ótkizip jatyr

ASTANA. QazAqparat - UQK Shekara qyzmeti búkil Memlekettik shekarada, sonyń ishinde qazaq-qyrǵyz shekara ýchaskesinde josparly shekaralyq operatsııa ótkizip jatyr, dep habarlaıdy QR UQK baspasóz qyzmeti.

«Bul operatsııalardy ótkizýdegi maqsat - shekara keńistigindegi quqyqqa qaıshy qyzmetterdiń jolyn kesý, lańkestik, kontrabandalyq jáne basqa da qylmystyq qyzmetterge qatysy bar tulǵalardy anyqtaý, shekara rejımi men kóshi-qon zańdylyǵynyń saqtalýyn tekserý. Osyǵan oraı, shekaradan ótip jatqan tulǵalardy, kólik quraldaryn, júkter men taýarlardy tekserý kúsheıtiledi», - delinedi habarlamada.

Sonymen qatar eshqandaı shekaradan ótýdi shekteý nemese tyıym salý sharalary qolanylmaıdy.

«UQK ShQ bólimsheleri men áskerı qyzmetkerleriniń qımyldary qatań túrde zań aıasynda júrgiziledi, Qazaqstan jáne shetel azamattarynyń quqyqtaryna qysym jasaýǵa jol berilmeıdi», dep málimdeıdi baspasóz qyzmeti.