QR UQK muraǵattyq qujattary QR ІІM-ne saqtaýǵa qabyldandy

ASTANA. QazAqparat - Qazaqstan Respýblıkasynyń Ulttyq Qaýipsizdik organdarynan ishki ister organdarynyń arnaıy memlekettik muraǵatyna 176 myńnan astam birlik muraǵattyq qujattary saqtaýǵa qabyldandy, dep habarlaıdy QR ІІM baspasóz qyzmetinen.

«Atap aıtqanda, aqtaýǵa jatpaıtyn adamdardyń muraǵattyq qylmystyq isteri; qýǵyn-súrginge ushyraǵan, sot organdary aqtaǵan tulǵalarǵa qatysty muraǵattyq qylmystyq ister; Germanııada áskerı tutqynda bolǵan jáne óz eline qaıta oralǵan burynǵy KSRO azamattaryna qatysty súzgiden ótetin jáne oljalyq materıaldar berildi», delingen taratylǵan habarlamada.

Aqtaýǵa jatpaıtyn adamdarǵa qylmystyq ister olardyń qylmys jasaǵanyn jetkilikti aıǵaqtaıtyn qujattardan: Otandy satýdyń barlyq formalary; jaı halyq pen áskerı tutqyndarǵa qatysty kúshteý áreketteri, sondaı-aq Uly Otan soǵysy kezinde osyndaı áreketter jasaýyna basqynshylar men Otanyn satqandarǵa dep berýshilik, qarýly bandylardy uıymdastyrý jáne olar jasaǵan kisi óltirýlerge, basqa kúshteý áreketterine qatysýdan turatyny aıtylǵan.

Sot organdary aqtaǵan qýǵyn-súrginge ushyraǵan azamattarǵa qatysty qylmystyq ister - sottalǵan jáne aqyrynda aqtalǵan azamattardyń isteri, sondaı-aq tergeý barysynda aıyptyń dáleldenbegendiginen toqtatylǵan ister.

Germanııada áskerı tutqynda bolǵan jáne óz eline qaıta oralǵan burynǵy KSRO azamattaryna qatysty súzgiden ótetin jáne oljalyq materıaldardy - bul Uly Otan Soǵysy kezinde tutqynǵa alynǵan jáne kontslagerlerdegi bolǵan keńes sarbazdarynyń isteri.