«QR UQK Barysy» anyqtaldy

ASTANA. QazAqparat - Qyzylorda oblysynda QR Ulttyq Qaýipsizdik komıtetiniń qurylǵanyna 30 jyl tolý merekesi aıasynda QR UQK Tóraǵasynyń kýbogine arnalǵan qazaq kúresinen «QR UQK Barysy» respýblıkalyq týrnıri óz máresine jetti. Bul týraly Óńirlik kommýnıkatsııalar qyzmetiniń uıymdastyrýymen ótken kóshpeli brıfıngte oblystyq mádenıet jáne sport basqarmasy basshysynyń orynbasary Asyljan Jamanqul baıandady.

Dúbirli dodaǵa 17 oblys pen Astana jáne Almaty, Shymkent qalalarynan 20 jáne QR Ulttyq qaýipsizdik komıtetiniń qurylymdyq bólimshelerinen 4 qurama komanda qatysty.

-Syr elinde alǵash ret Qyzylorda oblysy ákimdiginiń jáne QR Ulttyq Qaýipsizdik komıtetiniń uıymdastyrýymen ótken sport dodasy joǵary dárejede ótti. Komandalar myqty palýandardan jasaqtalǵan. Sáıkesinshe, 175 sportshy baqtaryn synap, tartysty doda boldy,- dedi Asyljan Zýlfqaruly.

- Eki kúnge sozylǵan týrnırdiń alǵashqy kúninde komandalyq jarysqa 65,70,75 keli salmaqta jáne ekinshi kúni 90, +90 keli salmaq dárejeleri boıynsha myqtylar anyqtaldy. Nátıjesinde komandalyq jarysta Astana quramasy, al 90 kılogram salmaq dárejesinde І oryndy Qaıyr Muhamedııa enshilese ,+ 90 keli salmaq boıynsha qazaq kúresinen eki dúrkin álem chempıony, qyzylordalyq Ǵalymjan Ábdrahmanov І oryndy ıelendi,-dedi bas tóreshi Ǵalym Serikuly.

Aıta keteıik, jeńimpazdarǵa dıplom, medalmen qatar aqshalaı syılyqtar tabystaldy.