QR Úkimetiniń memleket menshigine túsken múlikti odan ári paıdalanýdyń keıbir máseleleri týraly qaýlysyna ózgerister engizildi
Qaýlyǵa sáıkes, Tizimdeý aktisi esepke alý kitabyna engizilgennen keıin memlekettik múlik tiziliminde ár jazbaǵa memlekettik múlikti basqarý jónindegi ýákiletti organ belgilegen nysan boıynsha túgendeý kartochkasy ashylady. Túgendeý kartochkasynyń taqyrybynda múliktiń kimge berilgeni, sondaı-aq múlikti berý ýaqyty týraly málimetter qamtylýǵa tıis. Múlikti satqan kezde túgendeý kartochkasynda bıýdjetpen esep aıyrysý merzimderi, tólem qujatynyń (tarynyń) nómiri men kúni kórsetiledi.
Sondaı-aq, sapasy men qaýipsizdigine normatıvtik qujattarda qoıylatyn talaptarǵa sáıkes kelmeıtin azyq-túlik shıkizatyn, tamaq ónimderin, Qazaqstan Respýblıkasy zańnamasynyń talaptaryna jáne sanıtarııalyq-epıdemıologııalyq qaǵıdalar men normalarǵa jáne gıgıenalyq normatıvterge sáıkes kelmeıtin, aktsızdik tańbalarsyz ótkiziletin temeki buıymdaryn jáne quramynda shyǵarylǵan eli belgisiz temeki bar basqa da buıymdardy, sondaı-aq tasymaldaýǵa, saqtaýǵa, ótkizýge, sanıtarııalyq-epıdemıologııalyq saraptama men sertıfıkattaýdy júrgizýge baılanysty shyǵyndary ózderiniń baǵalaý qunynan asyp túsetin taýarlardyń shamaly partııalaryn jáne ózge de múlikti Qazaqstan Respýbıkasynyń zańnamasyna sáıkes ýákiletti organ nemese jergilikti atqarýshy organ quratyn komıssııa joıady. Qajet bolǵan jaǵdaılarda, komıssııanyń quramyna sanıtarııalyq-epıdemıologııalyq qyzmettiń qyzmetkerleri jáne jergilikti atqarýshy organdar men basqa da múddeli uıymdardyń ózge de mamandary tartylýy múmkin.
QazAqparat qujattyń tolyq mátinin taratady.
***
Jekelegen negizder boıynsha memleket menshigine aınaldyrylǵan (túsken) múlikti esepke alýdyń, saqtaýdyń, baǵalaýdyń jáne odan ári paıdalanýdyń keıbir máseleleri» týraly Qazaqstan Respýblıkasy Úkimetiniń 2002 jylǵy 26 shildedegi № 833 qaýlysyna ózgerister men tolyqtyrýlar engizý týraly
Qazaqstan Respýblıkasy Úkimetiniń 2016 jylǵy «07» maýsymdaǵy № 338 qaýlysy
Qazaqstan Respýblıkasynyń Úkimeti QAÝLY ETEDІ:
1. «Jekelegen negizder boıynsha memleket menshigine aınaldyrylǵan (túsken) múlikti esepke alýdyń, saqtaýdyń, baǵalaýdyń jáne odan ári paıdalanýdyń keıbir máseleleri» týraly Qazaqstan Respýblıkasy Úkimetiniń 2002 jylǵy 26 shildedegi № 833 qaýlysyna (Qazaqstan Respýblıkasynyń PÚAJ-y, 2002 j., № 25, 260-qujat) mynadaı ózgerister men tolyqtyrýlar engizilsin:
kirispe mynadaı redaktsııada jazylsyn:
«1994 jylǵy 27 jeltoqsandaǵy Qazaqstan Respýblıkasynyń Azamattyq kodeksine (Jalpy bólim), 1999 jylǵy 1 shildedegi Qazaqstan Respýblıkasynyń Azamattyq kodeksine (Erekshe bólim), «Salyq jáne bıýdjetke tólenetin basqa da mindetti tólemder týraly» 2008 jylǵy 10 jeltoqsandaǵy Qazaqstan RespýblıkasynyńKodeksine (Salyq kodeksi), 2014 jylǵy 5 shildedegi Qazaqstan Respýblıkasynyń Qylmystyq-atqarý kodeksine, Qazaqstan Respýblıkasynyń «Atqarýshylyq is júrgizý jáne sot oryndaýshylarynyń mártebesi týraly» 2010 jylǵy 2 sáýirdegi, «Notarıat týraly» 1997 jylǵy
14 shildedegi, «Etıl spırti men alkogol óniminiń óndirilýin jáne aınalymyn memlekettik retteý týraly» 1999 jylǵy 16 shildedegi, «Memlekettik múlik týraly» 2011 jylǵy 1 naýryzdaǵy jáne«Baǵaly metaldar men asyl tastar týraly» 2016 jylǵy 14 qańtardaǵy zańdaryna sáıkes Qazaqstan Respýblıkasynyń Úkimeti QAÝLY ETEDІ:»;
kórsetilgen qaýlymen bekitilgen Jekelegen negizder boıynsha memleket menshigine aınaldyrylǵan (túsken) múlikti esepke alý, saqtaý, baǵalaý jáne odan ári paıdalaný qaǵıdalarynda:
10-tarmaqtyń birinshi bóligi mynadaı redaktsııada jazylsyn:
«10. Tizimdeý aktisi esepke alý kitabyna engizilgennen keıin memlekettik múlik tiziliminde ár jazbaǵa memlekettik múlikti basqarý jónindegi ýákiletti organ belgilegen nysan boıynsha túgendeý kartochkasy ashylady. Túgendeý kartochkasynyń taqyrybynda múliktiń kimge berilgeni, sondaı-aq múlikti berý ýaqyty týraly málimetter qamtylýǵa tıis. Múlikti satqan kezde túgendeý kartochkasynda bıýdjetpen esep aıyrysý merzimderi, tólem qujatynyń (tarynyń) nómiri men kúni kórsetiledi.»;
19-tarmaq mynadaı redaktsııada jazylsyn:
«19. Jekelegen negizder boıynsha memleket menshigine aınaldyrylǵan (túsken) baǵaly metaldardy, asyl tastardy jáne olardan jasalǵan buıymdardy tasymaldaý, qabyldaý, esepke alý, baǵalaý, saqtaý jáne ótkizý tártibin Qazaqstan Respýblıkasy Ulttyq Bankimen kelisý boıynsha memlekettik múlikti basqarý jónindegi ýákiletti organ belgileıdi.»;
mynadaı mazmundaǵy 19-1 jáne 19-2-tarmaqtarmen tolyqtyrylsyn:
«19-1. Jekelegen negizder boıynsha memleket menshigine aınaldyrylǵan jáne Qazaqstan Respýblıkasynyń Ulttyq Banki Qazaqstan Respýblıkasynyń zańnamasynda kózdelgen tártippen qabyldap alǵan baǵaly metaldardyń synyqtary men qaldyqtary Qazaqstan Respýblıkasy Ulttyq Bankiniń baǵaly metaldardaǵy aktıvterine affınajdalǵan altynnyń quımalaryn esepke jatqyza otyryp affınajdaýǵa jatady.
19-2. Jekelegen negizder boıynsha memleket menshigine aınaldyrylǵan baǵaly metaldardyń synyqtary men qaldyqtaryn affınajdalǵan altyn quımalary etip affınajdalǵan berý jáne olardy affınajdalǵannan keıin alý tártibin Qazaqstan Respýblıkasynyń Ulttyq Banki aıqyndaıdy.
Affınajdalǵan altyn quımalarynyń quny baǵaly metaldardyń synyqtary men qaldyqtaryn qaıta óńdeýge baılanysty shyǵyndar shegerile otyryp, bıýdjetke aýdarylady.»;
31-tarmaq mynadaı redaktsııada jazylsyn:
«31. Sapasy men qaýipsizdigine normatıvtik qujattarda qoıylatyn talaptarǵa sáıkes kelmeıtin azyq-túlik shıkizatyn, tamaq ónimderin, Qazaqstan Respýblıkasy zańnamasynyń talaptaryna jáne sanıtarııalyq-epıdemıologııalyq qaǵıdalar men normalarǵa jáne gıgıenalyq normatıvterge sáıkes kelmeıtin, aktsızdik tańbalarsyz ótkiziletin temeki buıymdaryn jáne quramynda shyǵarylǵan eli belgisiz temeki bar basqa da buıymdardy, sondaı-aq tasymaldaýǵa, saqtaýǵa, ótkizýge, sanıtarııalyq-epıdemıologııalyq saraptama men sertıfıkattaýdy júrgizýge baılanysty shyǵyndary ózderiniń baǵalaý qunynan asyp túsetin taýarlardyń shamaly partııalaryn jáne ózge de múlikti Qazaqstan Respýbıkasynyń zańnamasyna sáıkes ýákiletti organ nemese jergilikti atqarýshy organ quratyn komıssııa joıady.
«Memlekettik múlik týraly» 2011 jylǵy 1 naýryzdaǵy Qazaqstan Respýblıkasy Zańynyń 217-babyna sáıkes qajet bolǵan jaǵdaılarda, komıssııanyń quramyna sanıtarııalyq-epıdemıologııalyq qyzmettiń qyzmetkerleri jáne jergilikti atqarýshy organdar men basqa da múddeli uıymdardyń ózge de mamandary tartylýy múmkin.».
2. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri K. Másimov