QR Úkimetiniń qaýlysymen mindetti zeınetaqy jarnalaryn júzege asyratyn kásipterdiń tizbesi bekitildi
Qazaqstan Respýblıkasy Úkimetiniń qaýlysy
2013 jylǵy 31 jeltoqsan, Astana, Úkimet Úıi, № 1562
Mindetti kásiptik zeınetaqy jarnalarynyń salymshylary menshikti qarajaty esebinen olardyń paıdasyna mindetti kásiptik zeınetaqy jarnalaryn júzege asyratyn óndiristerdiń, jumystardyń, qyzmetkerler kásipteriniń tizbesin bekitý týraly
«Qazaqstan Respýblıkasynda zeınetaqymen qamsyzdandyrý týraly» 2013 jylǵy 21 maýsymdaǵy Qazaqstan Respýblıkasynyń Zańy 6-babynyń 6) tarmaqshasyna sáıkes Qazaqstan Respýblıkasynyń Úkimeti qaýly etedi: 1. Qosa berilip otyrǵan mindetti kásiptik zeınetaqy jarnalarynyń salymshylary menshikti qarajaty esebinen olardyń paıdasyna mindetti kásiptik zeınetaqy jarnalaryn júzege asyratyn óndiristerdiń, jumystardyń, qyzmetkerler kásipteriniń tizbesi bekitilsin. 2. Osy qaýly 2014 jylǵy 1 qańtardan bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Premer-Mınıstri S.AHMETOV.
Qazaqstan Respýblıkasy Úkimetiniń 2013 jylǵy 31 jeltoqsandaǵy №1562 qaýlysymen bekitilgen
Mindetti kásiptik zeınetaqy jarnalarynyń salymshylary menshikti qarajaty esebinen olardyń paıdasyna mindetti kásiptik zeınetaqy jarnalaryn júzege asyratyn óndiristerdiń, jumystardyń, qyzmetkerler kásipteriniń tizbesi respbýlıkalyq resmı BAQ-ta jarııalandy.