QR Úkimetiniń qaýlysymen mektepke deıingi jáne orta bilim berý salasyndaǵy memlekettik kórsetiletin qyzmetter standarttary bekitildi
Qazaqstan Respýblıkasy Úkimetiniń qaýlysy
2014 jylǵy 9 maýsym, Astana, Úkimet Úıi, №633
Mektepke deıingi jáne orta bilim berý salasyndaǵy memlekettik kórsetiletin qyzmetter standarttaryn bekitý týraly
«Memlekettik kórsetiletin qyzmetter týraly» 2013 jylǵy 15 sáýirdegi Qazaqstan Respýblıkasynyń Zańy 6-babynyń 3) tarmaqshasyna sáıkes Qazaqstan Respýblıkasynyń Úkimeti qaýly etedi: 1. Qosa berilip otyrǵan: 1) «Mektepke deıingi bilim berý uıymdaryna qujattardy qabyldaý jáne balalardy qabyldaý» memlekettik kórsetiletin qyzmet standarty; 2) «Bastaýysh, negizgi orta, jalpy orta bilim berýdiń jalpy bilim beretin baǵdarlamalary boıynsha oqytý úshin vedomstvolyq baǵynystylyǵyna qaramastan bilim berý uıymdaryna qujattardy qabyldaý jáne oqýǵa qabyldaý» memlekettik kórsetiletin qyzmet standarty; 3) «Bastaýysh, negizgi orta, jalpy orta bilim berý uıymdaryna densaýlyǵyna baılanysty uzaq ýaqyt boıy bara almaıtyn balalardy úıde jeke tegin oqytýdy uıymdastyrý úshin qujattardy qabyldaý» memlekettik kórsetiletin qyzmet standarty; 4) «Arnaıy jalpy bilim beretin oqý baǵdarlamalary boıynsha oqytý úshin múmkindikteri shekteýli balalardyń qujattaryn qabyldaý jáne arnaıy bilim berý uıymdaryna qabyldaý» memlekettik kórsetiletin qyzmet standarty; 5) «Balalarǵa qosymsha bilim berý boıynsha qosymsha bilim berý uıymdaryna qujattar qabyldaý jáne oqýǵa qabyldaý» memlekettik kórsetiletin qyzmet standarty; 6) «Az qamtylǵan otbasylardaǵy balalardyń qala syrtyndaǵy jáne mektep janyndaǵy lagerlerde demalýy úshin qujattar qabyldaý jáne joldama berý» memlekettik kórsetiletin qyzmet standarty bekitilsin. 2. «Qazaqstan Respýblıkasy Bilim jáne ǵylym mınıstrligi, jergilikti atqarýshy organdar kórsetetin bilim jáne ǵylym salasyndaǵy memlekettik qyzmet standarttaryn bekitý týraly» Qazaqstan Respýblıkasy Úkimetiniń 2012 jylǵy 31 tamyzdaǵy № 1119 qaýlysyna (Qazaqstan Respýblıkasynyń PÚAJ-y, 2012 j., № 68, 984-qujat) mynadaı ózgerister engizilsin: 1-tarmaqtyń 18), 19), 20), 21), 22), 26) tarmaqshalary alyp tastalsyn. 3. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri K.MÁSІMOV. Qaýlynyń tolyq mátini respýblıkalyq resmı BAQ-ta jarııalandy.