QR Úkimetinde Elbasynyń Úkimettiń keńeıtilgen otyrysynda bergen tapsyrmalaryn júzege asyrý máseleleri talqylandy
Keńes barysynda kóleńkeli ekonomıkaǵa qarsy is-qımyldardyń keshendi josparyn oryndaý, alkogoldy ónimder aınalymyna baqylaýdy kúsheıtý boıynsha sharalardy zańnamalyq qoldaý máselelerine basa nazar aýdaryldy.
2010-2029 jyldardaǵy turǵyn úı-kommýnaldyq sharýashylyǵyn jańǵyrtý baǵdarlamasy tıimdiligin arttyrý máselelerine qatysty Úkimet basshysy «baǵdarlamalarǵa, onyń ishinde zańnamalyq deńgeıde, oǵan halyqtyń qatysýyn jeńildetetin sharalar engizý» qajettigin atap ótti.
«Bul - sheshimin kútken eń basty másele. TKSh-ty jańǵyrtýda memleket pen halyqtyń qatysýynsyz shynaıy reforma jasaý múmkin emes, bul jerde tıisti oryndaý tetikteri qajet», - dedi S.Ahmetov.
Keńeste sondaı-aq AEA qyzmeti tıimdiligin kóterý máseleleri, memlekettik-jeke menshik áriptestik jobalaryna, ózdiginen tógilip jatqan jáne munaı skvajınalaryn sý basýdy joıý jobalaryna damý ınstıtýttarynyń, zeınetaqy qorlarynyń, qarjy uıymdarynyń qarjylaryn tartý boıynsha memlekettik organdar basshylarynyń esepteri tyńdaldy.
Úkimet basshysy ulttyq jáne halyqaralyq uıymdarda jumys isteý úshin kadrlardy sapaly irikteýdyń qajettigine nazar aýdardy. Bul saladaǵy reseılik jáne belorýstyq áriptesterdiń tabysty tájirıbesin atap ótken S.Ahmetov «KO, BEK jáne DSU sheńberindegi jumystarǵa baılanysty ıntegratsııalyq máselelermen shuǵyldanatyn memlekettik organdardy ınstıtýtsıonaldyq nyǵaıtýdyń naqty tetikterin jasaýdy» tapsyrdy.
Keńeste sondaı-aq «Bıznestiń jol kartasy-2020» baǵdarlamalary jobalaryn júzege asyrý boıynsha tapsyrmanyń oryndalý barysy týraly esep tyńdaldy.
Keńesti qortyndylaı kele, Úkimet basshysy «jekelegen memlekettik organdar basshylarynyń meılinshe mejeli jumystardy atqarýda tapsyrmanyń belgili bir bóligin júıeli oryndaǵanyn» atap ótti. Sonymen qatar, birqatar baǵyttar boıynsha aıryqsha kóńil bóliný qajet, memlekettik organdar basshylarynyń Memleket basshysy tarapynan Úkimettiń keńeıtilgen otyrysynda aıtylǵan barlyq máselelerdi tolyq baqylaýǵa alýlary kerek. «Olardyń bári oryndalýy tıis»,-dep túıindedi S.Ahmetov.