QR Úkimeti shekaralyq aımaqtyń shekterin belgiledi
***
Qazaqstan Respýblıkasy Úkimetiniń qaýlysy
2015 jylǵy 31 shilde № 600 Astana, Úkimet Úıi
«Shekaralyq beldeýdiń, karantındik beldeýdiń jáne shekaralyq aımaqtyń shekterin belgileý týraly» Qazaqstan Respýblıkasy Úkimetiniń 2014 jylǵy 16 sáýirdegi № 356 qaýlysyna ózgerister men tolyqtyrýlar engizý týraly
Qazaqstan Respýblıkasynyń Úkimeti qaýly etedi:
1.«Shekaralyq beldeýdiń, karantındik beldeýdiń jáne shekaralyq aımaqtyń shekterin belgileý týraly» Qazaqstan Respýblıkasy Úkimetiniń 2014 jylǵy 16 sáýirdegi № 356 qaýlysyna (Qazaqstan Respýblıkasynyń PÚAJ-y, 2014 j., № 28, 232-qujat) mynadaı ózgerister men tolyqtyrýlar engizilsin:
taqyryby mynadaı redaktsııada jazylsyn:
«Shekaralyq beldeýdiń, karantındik beldeýdiń jáne shekaralyq aımaqtyń shekterin belgileý jáne jekelegen rejımdik shekteýlerdiń qoldanysy alyp tastalǵan nemese toqtatyla turatyn shekaralyq aımaqqa kiretin shekara mańy aýmaqtarynyń tizbesin bekitý týraly»;
kirispesi mynadaı redaktsııada jazylsyn:
«2003 jylǵy 20 maýsymdaǵy «Qazaqstan Respýblıkasy Jer kodeksiniń 120-babyna, «Qazaqstan Respýblıkasynyń memlekettik shekarasy týraly» 2013 jylǵy 16 qańtardaǵy Qazaqstan Respýblıkasynyń Zańy 39-babynyń 6-tarmaǵyna jáne 55-babynyń 4) jáne 13) tarmaqshalaryna sáıkes Qazaqstan Respýblıkasynyń Úkimeti QAÝLY ETEDІ:»;
mynadaı mazmundaǵy 1-1-tarmaqpen tolyqtyrylsyn:
«1-1. Qosa berilip otyrǵan jekelegen rejımdik shekteýlerdiń qoldanysy alyp tastalatyn nemese toqtatyla turatyn shekaralyq aımaqqa kiretin shekara mańy aýmaqtarynyń tizbesi bekitilsin.»;
osy qaýlyǵa qosymshaǵa sáıkes jekelegen rejımdik shekteýlerdiń qoldanysy alyp tastalatyn nemese toqtatyla turatyn shekaralyq aımaqqa kiretin shekara mańy aýmaqtarynyń tizbesimen tolyqtyrylsyn.
2.Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri K.MÁSІMOV