QR Úkimeti farmatsevtıka ónerkásibin damytý josparyn ázirleıdi

NUR-SULTAN. QazAqparat - Úkimet otandyq farmatsevtıka ónerkásibin damytý josparyn jasaýy qajet. Bul týraly Ulttyq qoǵamdyq senim keńesiniń 3-otyrysynda QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Fartsevtıka salasyndaǵy saıasat ishki suranysty qamtamasyz etýge, ozyq tehnologııa tartýǵa jáne ımportty almastyrýǵa baǵyttalǵany jón. Osyǵan oraı farmatsevtıka jáne medıtsına ónerkásibi salasyndaǵy memlekettik saıasatty qalyptastyrý jáne iske asyrý mindeti Densaýlyq saqtaý mınıstrligine beriledi», - dedi Qazaqstan Prezıdenti.

Bul rette Qasym-Jomart Toqaev salany damytý jáne qalypty, tıimdi dári-dármekpen qamtamasyz etýdiń tepe-teńdigi buzylmaýy kerektigin basa aıtty.

«Úkimetke otandyq farmatsevtıka ónerkásibin damytý josparyn jasaýdy tapsyramyn. Onda naqty kórsetkishter men maqsat-mindetter aıqyndalýy tıis», - dedi Memleket basshysy.