QR Úkimeti energııa óndirýshi uıymdar úshin kúzgi-qysqy kezeńde paıdalanylatyn otyn qorynyń normalaryn aıqyndaý qaǵıdalaryn bekitti
Qazaqstan Respýblıkasy Úkimetiniń qaýlysy
2013 jylǵy 19 naýryz, Astana, Úkimet Úıi № 261
Energııa óndirýshi uıymdar úshin kúzgi-qysqy kezeńde paıdalanylatyn otyn qorynyń normalaryn aıqyndaý qaǵıdalaryn bekitý týraly
«Elektr energetıkasy týraly» 2004 jylǵy 9 shildedegi Qazaqstan Respýblıkasynyń Zańy 4-babynyń 38-6) tarmaqshasyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Energııa óndirýshi uıymdar úshin kúzgi-qysqy kezeńde paıdalanylatyn otyn qorynyń normalaryn aıqyndaý qaǵıdalary bekitilsin.
2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri S.AHMETOV.
Qazaqstan Respýblıkasy Úkimetiniń 2013 jylǵy 19 naýryzdaǵy №261 qaýlysymen bekitilgen
Energııa óndirýshi uıymdar úshin kúzgi-qysqy kezeńde paıdalanylatyn otyn qorynyń normalaryn aıqyndaý qaǵıdalary
1. Jalpy erejeler
1. Osy Energııa óndirýshi uıymdar úshin kúzgi-qysqy kezeńde paıdalanylatyn otyn qorynyń normalaryn aıqyndaý qaǵıdalary (budan ári - Qaǵıdalar) «Elektr energetıkasy týraly» 2004 jylǵy 9 shildedegi Qazaqstan Respýblıkasynyń Zańy 4-babynyń 38-6) tarmaqshasyna sáıkes ázirlendi jáne Qazaqstan Respýblıkasynyń energııa óndirýshi uıymdary úshin kúzgi-qysqy kezeńde paıdalanylatyn otyn qorynyń normalaryn aıqyndaý tártibin belgileıdi.
2. Osy Qaǵıdalarda mynadaı negizgi uǵymdar men anyqtamalar paıdalanylady:
1) otynnyń ortasha táýliktik jumsalýy - osy óńir úshin syrtqy aýanyń eń az eseptik temperatýrasy jáne jylý elektr stantsııasynyń jabdyqtaryn barynsha júkteý jaǵdaılarynda energııa óndirýshi uıym elektr jáne/nemese jylý energııasyn óndirý úshin táýlik ishinde tutynatyn otynnyń mólsherli jumsalýy;
2) paıdalanylatyn otyn qorynyń normasy (budan ári - norma) - energııa óndirýshi uıymdar paıdalanatyn otyr qorynyń táýliktik eseptegi eń az mólsheri.
2. Energııa óndirýshi uıymdar úshin kúzgi-qysqy kezeńde paıdalanylatyn otyr qorynyń normalaryn aıqyndaý tártibi
3. Normalar jylý elektr stantsııalary men qazandyqtar boıynsha aıqyndalady (budan ári - energııa óndirýshi uıym).
4. Normalardy aıqyndaý kezinde:
1) otynnyń ortasha táýliktik jumsalýy;
2) jetkizetin otynnyń energııa kózinen tıelý ornyna deıingi ara qashyqtyq esepke alynady.
5. Belgilengen qýaty 100 Gkal/saǵat jáne odan joǵary energııa óndirýshi uıym jyl saıyn tıisti jyldyń 1 maýsymyna deıin elektr energetıkasy salasyndaǵy ýákiletti organǵa óziniń menshikti jabdyqtar quramy úshin syrtqy aýanyń eń az eseptik temperatýrasy jaǵdaıynda otynnyń ortasha táýliktik jumsalýyn jáne energııa kózinen bastap jetkiziletin otyndy tıeý ornyna deıingi qashyqtyqty kelisý úshin usynady.
6. Belgilengen qýaty 100 Gkal/saǵat tómen energııa óndirýshi uıym jyl saıyn tıisti jyldyń 1 maýsymyna deıin jergilikti atqarýshy organǵa óziniń menshikti jabdyǵynyń quramy úshin syrtqy aýanyń eń az eseptik temperatýrasy jaǵdaıynda otynnyń ortasha táýliktik jumsalýyn jáne energııa kózinen bastap jetkiziletin otyndy tıeý ornyna deıingi qashyqtyqty kelisý úshin usynady.
7. Elektr energetıkasy salasyndaǵy ýákiletti organ jyl saıyn tıisti jyldyń 1 tamyzyna deıin belgilengen qýaty 100 Gkal/saǵat jáne odan joǵary energııa óndirýshi árbir uıym úshin otynnyń ortasha táýliktik jumsalýy men energııa kózinen bastap jetkiziletin otyndy tıeý ornyna deıingi qashyqtyqty kelisedi.
8. Jergilikti atqarýshy organ jyl saıyn tıisti jyldyń 1 tamyzyna deıin belgilengen qýaty 100 Gkal/saǵat tómen energııa óndirýshi árbir uıym úshin otynnyń ortasha táýliktik jumsalýy men energııa kózderinen bastap jetkiziletin otyndy tıeý ornyna deıingi qashyqtyqty bekitedi.
9. Kelisilgen otynnyń ortasha táýliktik jumsalýy men otyndy tıeý (óndirý) aýdanynan bastap energııa óndiretin uıym ornalasqan jerge deıingi qashyqtyq negizinde norma aıqyndalady.
10. Norma otyndy jetkizý, otyndy jetkizýde paıda bolǵan shekteý sebepterin joıý úshin qajetti eń uzaq merzimdi eskere otyryp, shekteý kezinde kúnder sanymen, sondaı-aq jetkiziletin otyndy tıeý aýdanynan energııa óndirýshi uıym ornalasqan jerge deıin temirjol kóligimen jetkizýdiń qalyptasqan ýaqytynan aıqyndalǵan temperatýralyq kesteniń jáne/nemese josparly elektr júktemesiniń saqtalýyn qamtamasyz etedi.