QR Úkimeti bıýdjet qyzmetkerlerine eńbekaqy tóleý júıesi týraly qaýlysyna tolyqtyrýlar engizdi

ASTANA. QazAqparat - QR Úkimeti Azamattyq qyzmetshilerge, memlekettik bıýdjet qarajaty esebinen ustalatyn uıymdardyń qyzmetkerlerine, qazynalyq kásiporyndardyń qyzmetkerlerine eńbekaqy tóleý júıesi týraly qaýlysyna tolyqtyrýlar engizdi. «QazAqparat» HAA qujattyń tolyq mátinin usynady.

Qazaqstan Respýblıkasy Úkimetiniń qaýlysy  №170 

 2016 jylǵy 31 naýryz, Astana, Úkimet Úıi

«Azamattyq qyzmetshilerge, memlekettik bıýdjet qarajaty esebinen ustalatyn uıymdardyń qyzmetkerlerine, qazynalyq kásiporyndardyń qyzmetkerlerine eńbekaqy tóleý júıesi týraly» Qazaqstan Respýblıkasy Úkimetiniń 2015 jylǵy 31 jeltoqsandaǵy №1193 qaýlysyna tolyqtyrý engizý jáne Qazaqstan Respýblıkasy Úkimetiniń 2014 jylǵy 28 naýryzdaǵy №273 qpú qaýlysymen bekitilgen Qazaqstan Respýblıkasy Úkimetiniń keıbir sheshimderine engiziletin ózgerister men tolyqtyrýlardyń 4-tarmaǵynyń kúshi joıyldy dep taný týraly

Qazaqstan Respýblıkasynyń Úkimeti qaýly etedi:
1. «Azamattyq qyzmetshilerge, memlekettik bıýdjet qarajaty esebinen ustalatyn uıymdardyń qyzmetkerlerine, qazynalyq kásiporyndardyń qyzmetkerlerine eńbekaqy tóleý júıesi týraly» Qazaqstan Respýblıkasy 2015 jylǵy 31 jeltoqsandaǵy №1193 qaýlysyna mynadaı tolyqtyrý engizilsin:
3-tarmaq mynadaı mazmundaǵy 2-1) tarmaqshamen tolyqtyrylsyn:
«2-1 (qyzmet babynda paıdalaný úshin)»;
2. Qazaqstan Respýblıkasy Úkimetiniń 2014 jylǵy 28 naýryzdaǵy №273 qpú qaýlysymen bekitilgen Qazaqstan Respýblıkasy Úkimetiniń keıbir sheshimderine engiziletin ózgerister men tolyqtyrýlardyń 4-tarmaǵynyń kúshi joıyldy dep tanylsyn.
3. Osy qaýly 2016 jylǵy 1 qańtardan bastap qoldanysqa engiziledi jáne resmı jarııalanýǵa tıis.

Qazaqstan Respýblıkasynyń Premer-Mınıstri K.MÁSІMOV.