QR Úkimeti bekitken jospardyń aıasynda Uly Otan soǵysyna qatysýshylar men múgedekterge barlyq kólik túrlerine tegin jol júrý qarastyrylǵan

ASTANA. Sáýirdiń 27-si. QazAqparat - Qazaqstan Respýblıkasynyń Úkimeti 1941-1945 j.j. Uly Otan soǵysynyń 65 jyldyq mereıtoıyn Qazaqstan Respýblıkasynda atap ótýge daıyndyq pen ótkizý boıynsha is-sharalar josparyn bekitti, dep habarlady QR Kólik jáne kommýnıkatsııa mınıstrliginiń baspasóz qyzmeti.

Atalǵan jospardyń aıasynda Uly Otan soǵysyna qatysýshylar men múgedekterge barlyq kólik túrlerine tegin jol júrý qarastyrylǵan.

Sonyń ishinde, olardyń árqaısysy tek qana respýblıka aýmaǵynda ǵana emes, sonymen qatar TMD elderine poıyzben júrý nemese samoletpen ushý múmkindigin eki baǵytta da paıdalana alady.

Oblys aýmaǵynda tórt tegin jol júrýdi jáne búkil mamyr aı boıyna qala ishindegi baǵyttar boıynsha avtobýs parkteri tegin jol júrýdi usynýǵa daıyn.

Osydan ózge, Astana men Moskva qalalarynda bolatyn Jeńistiń 65 jyldyq mereıtoıyn atap ótýge arnalǵan merekelik is-sharalarǵa qatysýshylar úshin tek qana samolet nemese poıyzben jol júrý ǵana emes, sonymen qatar tamaq pen jatyn oryndar shyǵyndary da tegin qarastyrylǵan. Bul jeńildikter olarmen birge júretin adamdarǵa da qatysty.

Sonymen qatar, ardagerlerge arnap ózderiniń «tartýlaryn» elimizdiń negizgi tasymaldaýshylary da qarastyryp otyr.

«Qazaqstan temir joly» Ulttyq kompanııa» AQ ardagerler men UOS múgedekterine tegin jol aqysy jyldyń aıaǵyna deıin bolatyndyǵy týraly sheshim qabyldady. Aktsııa Qazaqstannyń barlyq ishki baǵyttary boıynsha, aımaqaralyq (qala syrty) baǵyttarynan ózge, mamyrdyń 1-inen bastap jeltoqsannyń 31-ine deıin jalǵasady. Bul aktsııanyń basty artyqshylyǵy - jol júrý sany shektelmegen. Osy jeńildikti paıdalaný úshin, temirjol vokzalynda ornalasqan «Jolaýshylar tasymaly» AQ kassalaryna jeke kýáligimen birge ardager kýáligin qosa usynyp, habarlasý qajet.

«Eır Astana» men «SCAT» áýekompanııalary birneshe jyl boıy, turaqty negizde ardagerler men UOS múgedekter úshin tegin jolaqysyn usynyp keledi. Al, olarmen birge júretin adamdarǵa bir aı boıy 50% mólsherinde jeńildik usynylady. Respýblıka áýejaılary bul kezeńde ardagerlerge, sondaı-aq olarmen birge júretin adamdarǵa VIP jáne CIP zaldary arqyly tegin qyzmet kórsetedi.