QR Úkimeti basshysy demalys kúnin 2013 jyldyń 12 qazanynan 14 qazanǵa aýystyrý týraly qaýlyǵa qol qoıdy

ASTANA. 8 qazan. QazAqparat - Eńbekshilerdiń demalysy úshin qolaıly jaǵdaılar jasaý jáne 2013 jylǵy qazandaǵy jumys ýaqytyn utymdy paıdalaný maqsatynda QR Premer-Mınıstri Serik Ahmetov demalys kúnin 2013 jylǵy 12 qazan senbiden 14 qazan dúısenbige aýystyrý týraly Úkimet qaýlysyna qol qoıdy.

Qaýlyǵa sáıkes qajetti ónim shyǵarý, qarjy qyzmetterin qosa alǵanda, qyzmetter kórsetý, sondaı-aq qurylys obektilerin iske qosý úshin eńbek, materıaldyq jáne qarjy resýrstarymen qamtamasyz etilgen uıymdarǵa kásipodaq uıymdarymen kelisim boıynsha 2013 jylǵy 14 qazanda jumys júrgizýge quqyq beriledi.

Kórsetilgen kúngi jumys Qazaqstan Respýblıkasynyń qoldanystaǵy zańnamasyna sáıkes óteledi.