QR Úkimeti azamattyq qyzmetshilerdiń eńbegine aqy tóleý júıesine ózgerister engizdi
Qazaqstan Respýblıkasy Úkimetiniń qaýlysy
2015 jylǵy 27 qarasha, Astana, Úkimet Úıi, №957
«Azamattyq qyzmetshilerge, memlekettik bıýdjet qarajaty esebinen ustalatyn uıymdardyń qyzmetkerlerine, qazynalyq kásiporyndardyń qyzmetkerlerine eńbekaqy tóleý júıesi týraly» Qazaqstan Respýblıkasy Úkimetiniń 2007 jylǵy 29 jeltoqsandaǵy № 1400 qaýlysyna ózgerister men tolyqtyrý engizý týraly
Qazaqstan Respýblıkasynyń Úkimeti qaýly etedi: 1. «Azamattyq qyzmetshilerge, memlekettik bıýdjet qarajaty esebinen ustalatyn uıymdardyń qyzmetkerlerine, qazynalyq kásiporyndardyń qyzmetkerlerine eńbekaqy tóleý júıesi týraly» Qazaqstan Respýblıkasy Úkimetiniń 2007 jylǵy 29 jeltoqsandaǵy № 1400 qaýlysyna (Qazaqstan Respýblıkasynyń PÚAJ-y, 2007 j., № 51, 648-qujat) mynadaı ózgerister men tolyqtyrý engizilsin: 1, 2, 3-tarmaqtar mynadaı redaktsııada jazylsyn: «1. Azamattyq qyzmetshilerge, memlekettik bıýdjet qarajaty esebinen ustalatyn uıymdardyń qyzmetkerlerine, qazynalyq kásiporyndardyń qyzmetkerlerine (budan ári - uıymdardyń qyzmetkerleri) eńbekaqy tóleý júıesi ýaqyt boıynsha jáne/nemese kesimdi eńbekaqy tóleý júıesi bolyp tabylady dep belgilensin. Ýaqyt boıynsha eńbekaqy tóleý júıesi: 1) azamattyq qyzmetshilerdiń (bilikti jumysshylardy qospaǵanda), memlekettik bıýdjet qarajaty esebinen ustalatyn uıymdar qyzmetkerleriniń laýazymdaryn fýnktsıonaldyq bloktar boıynsha synyptaýǵa sáıkes ázirlenetin azamattyq qyzmetshiler laýazymdarynyń tizilimi. Azamattyq qyzmetshilerdiń (bilikti jumysshylardy qospaǵanda), memlekettik bıýdjet qarajaty esebinen ustalatyn uıymdar qyzmetkerleriniń laýazymdaryn fýnktsıonaldyq bloktar boıynsha synyptaý qyzmet salasyna, bilimine, biliktilik deńgeıine, oryndalatyn jumystyń kúrdeliligine jáne jaýapkershilik deńgeıine baılanysty basqarýshy, negizgi, ákimshilik jáne qosalqy personaldardan qalyptasady; 2) azamattyq qyzmetshilerdiń, memlekettik bıýdjet qarajaty esebinen ustalatyn uıymdar qyzmetkerleriniń, qazynalyq kásiporyndar qyzmetkerleriniń (jumysshylardy qospaǵanda) fýnktsıonaldyq bloktar boıynsha laýazymdyq jalaqylaryn (budan ári - LJ) esepteýge arnalǵan bazalyq laýazymdyq jalaqyǵa (budan ári - BLJ) qoldanylatyn koeffıtsıentter; 3) jumysshylardyń LJ (tarıftik mólsherlemelerin) esepteýge arnalǵan BLJ-ǵa qoldanylatyn koeffıtsıentter; 4) uıymdar qyzmetkerlerine eńbek jaǵdaılary úshin qosymsha aqylar jáne ústemeaqylar, saýyqtyrýǵa arnalǵan járdemaqy jáne ótemaqylar; 5) Qazaqstan Respýblıkasynyń Reseı Federatsııasyndaǵy Saýda ókildigi qyzmetkerleriniń shetel valıýtasyndaǵy LJ (tarıftik mólsherlemeler) shemalary negizinde eńbekaqy tóleýdi qamtıdy. Kesimdi eńbekaqy tóleý júıesi oryndalǵan jumystyń (kórsetilgen qyzmettiń) nemese daıyndalǵan ónimniń zattaı ólshem birlikterinde kórsetilgen ár birligi (kólemi) úshin eńbekaqy tóleýdi kózdeıdi. 2. Qosa berilip otyrǵan: 1) azamattyq qyzmetshiler (bilikti jumysshylardy qospaǵanda), memlekettik bıýdjet qarajaty esebinen ustalatyn uıymdar qyzmetkerleri laýazymdarynyń fýnktsıonaldyq bloktar boıynsha synyptamasy; 2) azamattyq qyzmetshilerdiń, memlekettik bıýdjet qarajaty esebinen ustalatyn uıymdar qyzmetkerleriniń, qazynalyq kásiporyndar qyzmetkerleriniń (jumysshylardy qospaǵanda) fýnktsıonaldyq bloktar boıynsha LJ esepteýge arnalǵan koeffıtsıentter; 3) jumysshylardyń LJ (tarıftik mólsherlemelerin) esepteýge arnalǵan koeffıtsıentter; 4) uıymdar qyzmetkerlerine eńbekaqy tóleý sharttary; 5) Qazaqstan Respýblıkasynyń Reseı Federatsııasyndaǵy Saýda ókildigi qyzmetkerlerine eńbekaqy tóleý sharttary; 6) uıymdardyń qyzmetkerlerine únemdeý esebinen syılyqaqy berý júzege asyrylatyn, materıaldyq kómek kórsetiletin jáne yntalandyrýshy ústemeaqy belgilenetin shyǵys túrleriniń tizbesi bekitilsin. 3. Mynalar: 1) uıymdardyń qyzmetkerlerine eńbekaqy tóleý qory LJ-dan (tarıftik mólsherlemeden), eńbek jaǵdaılary úshin qosymsha aqylar men ústemeaqylardan, azamattyq qyzmetshilerdiń jyl saıynǵy aqyly eńbek demalysyna qosylatyn bir LJ (tarıftik mólsherleme) mólsherindegi saýyqtyrý járdemaqysynan, Qazaqstan Respýblıkasynyń normatıvtik quqyqtyq aktilerinde kózdelgen ótemaqylardan aıqyndalady; Qazaqstan Respýblıkasynyń Reseı Federatsııasyndaǵy Saýda ókildigi qyzmetkerlerine eńbekaqy tóleý qory shetel valıýtasyndaǵy LJ (tarıftik mólsherleme) negizge alyna otyryp aıqyndalady; 2) uıymdar qyzmetkerleriniń LJ-sy (tarıftik mólsherlemesi) atqaratyn laýazymdarynyń fýnktsıonaldyq bloktarǵa jatqyzylýyna jáne mamandyǵy boıynsha jumys ótiline, taǵaıyndalǵan biliktilik razrıadtaryna (jumysshylar úshin) qaraı LJ-ny (tarıftik mólsherlemeni) esepteý úshin bekitilgen tıisti koeffıtsıentterdi Qazaqstan Respýblıkasynyń Úkimeti belgilegen BLJ mólsherine kóbeıtý jolymen aıqyndalady; pedagog qyzmetkerlerdiń jekelegen sanattary úshin LJ (tarıftik mólsherlemeler) bir aptaǵa belgilengen oqý júktemesine qaraı aıqyndalady; zańnamaǵa sáıkes erekshe mártebe berilgen memlekettik joǵary oqý oryndarynyń mamandary men qyzmetshilerine LJ LJ-nyń belgilengen mólsherine joǵarylatatyn koeffıtsıentterdi qoldaný arqyly aıqyndalady; 3) ótemaqylardyń mólsheri Qazaqstan Respýblıkasynyń normatıvtik quqyqtyq aktilerine sáıkes aıqyndalady dep belgilensin.»; 4-tarmaqta: 3) jáne 5) tarmaqshalar mynadaı redaktsııada jazylsyn: «3) uıymdar qyzmetkerleriniń LJ-syn (tarıftik mólsherlemesin) aıqyndaý maqsatynda ortalyq atqarýshy jáne ózge de memlekettik organdar (kelisim boıynsha) mamandyǵy boıynsha jumys ótilin (qyzmet salasynyń erekshelikterin eskere otyryp) esepteýdiń tártibi men sharttaryn aıqyndaıdy; 5) memlekettik mekemeler men qazynalyq kásiporyndardyń qyzmetkerlerine, onyń ishinde 2016 jylǵy 1 qańtardan bastap qabyldanǵan qyzmetkerlerge jalaqysyndaǵy, saýyqtyrýǵa arnalǵan járdemaqysyndaǵy aıyrma 2016 jylǵy 1 qańtardan bastap qoldanystaǵy eńbekaqy tóleý júıesine sáıkes olardyń jalaqysy men saýyqtyrýǵa arnalǵan járdemaqysy 2016 jylǵy 1 qańtarǵa deıin qoldanylǵan eńbekaqy tóleý júıesi boıynsha jalaqysynan jáne saýyqtyrýǵa arnalǵan járdemaqysynan tómen bolyp shyqqan jaǵdaılarda tólenedi;»; 6) tarmaqshadaǵy «bekitedi dep belgilensin.» degen sózder «bekitedi;» degen sózben aýystyrylyp, mynadaı mazmundaǵy 7) tarmaqshamen tolyqtyrylsyn: «7) osy qaýlyǵa 1-qosymshaǵa sáıkes azamattyq qyzmetshiler (bilikti jumysshylardy qospaǵanda), memlekettik bıýdjet qarajaty esebinen ustalatyn uıymdar qyzmetkerleri laýazymdarynyń fýnktsıonaldyq bloktar boıynsha synyptamasy negizinde eńbek jónindegi ýákiletti memlekettik organ azamattyq qyzmetshilerdiń, memlekettik bıýdjet qarajaty esebinen ustalatyn uıymdar qyzmetkerleriniń laýazymdaryn azamattyq qyzmetshiler laýazymdary tiziliminiń fýnktsıonaldyq bloktaryna jáne bilikti jumysshylarǵa jatqyzý jónindegi ádistemelik usynymdardy bekitedi. Tıisti qyzmet salalaryndaǵy ýákiletti organdar eńbek jónindegi ýákiletti memlekettik organmen kelisý boıynsha tıisti qyzmet salalary boıynsha azamattyq qyzmetshiler laýazymdarynyń tizilimin bekitedi dep belgilensin.»; 6-tarmaqtyń 1) tarmaqshasy mynadaı redaktsııada jazylsyn: «1) memlekettik basqarý organymen kelisý boıynsha azamattyq qyzmetshiler laýazymdarynyń tiziliminde kórsetilgen laýazymdardyń ataýlaryna qyzmet ereksheligin sıpattaıtyn arnaýly qosymsha ataýlardy qoldanýǵa, sondaı-aq fýnktsıonaldyq mindetterine qaraı ózge de laýazymdar ataýlaryn teńestirýge;»; 1, 2, 3, 4, 6, 7, 8, 9, 10, 11, 12, 13, 14, 15, 16, 17, 18, 19, 21, 25-qosymshalar osy qaýlyǵa 1, 2, 3, 4, 5, 6, 7, 8, 9, 10, 11, 12, 13, 14, 15, 16, 17, 18, 19, 20-qosymshalarǵa sáıkes jańa redaktsııada jazylsyn; 5, 24, 24-1-qosymshalar alyp tastalsyn; 20-qosymshaǵa eskertpede: «Saǵat boıynsha eńbek aqy tóleý demalys úshin tólenetin aqyny da eskeredi.», «praktıkalyq qyzmetinde shet tilin qoldanǵany úshin jalaqyǵa ústemeaqylardy alatyn memlekettik mekemeler qyzmetkerlerinen shet tili boıynsha emtıhan qabyldaý kezinde;» degen joldar alyp tastalsyn; «Joǵary bilimi bar joǵary oqý oryndarynyń qyzmetkerlerine negizgi laýazymy boıynsha jumys kúninen tys joǵary oqý orny rektorynyń ruqsatymen sol oqý ornynda jylyna 225 saǵattan aspaıtyn saǵat boıynsha eńbekaqy tóleý sharttarynda pedagogıkalyq jumyspen shuǵyldana alady.» degen jol mynadaı redaktsııada jazylsyn: «Joǵary bilimi bar joǵary oqý oryndarynyń (budan ári - JOO) qyzmetkerleri negizgi laýazymy boıynsha jumys kúninen tys JOO rektorynyń ruqsatymen sol oqý ornynda kólemi jylyna 225 saǵattan aspaıtyn kólemde, saǵat boıynsha eńbekaqy tóleý sharttarynda pedagogıkalyq jumyspen shuǵyldana alady.»; 22-qosymshada: taqyryp mynadaı redaktsııada jazylsyn: «Densaýlyq saqtaý salasyndaǵy azamattyq qyzmetshiler, memlekettik bıýdjet qarajaty esebinen ustalatyn uıymdardyń qyzmetkerleri, qazynalyq kásiporyndar qyzmetkerleri laýazymdarynyń jáne kásipteriniń tizbesi men olardyń psıhoemotsıonaldyq jáne dene júktemesin aıqyndaıtyn krıterııler»; keste baǵandarynyń taqyryptary mynadaı redaktsııada jazylsyn: « R/s № Qyzmetkerler laýazymdarynyń jáne kásipteriniń ataýy Psıhoemotsıonaldyq jáne dene júktemeleriniń krıterııleri 1 2 3 »; 3-baǵanda: rettik nómiri 7-jol mynadaı redaktsııada jazylsyn: «Joǵary jedel qasıeti - dıagnostıka men emdeýde tez sheshim qabyldaý, jaraqat alýdyń joǵary qaýpi, artyq dene júktemeleri, joǵary psıhoemotsıonaldyq júkteme - ómir men ólim arasynda jatqan naýqastarǵa jedel medıtsınalyq kómek kórsetý jónindegi jumys.»; rettik nómiri 8-joldyń 3), 4) tarmaqshalary mynadaı redaktsııada jazylsyn: «Adam ólimine jıi ákep soǵatyn qaterli qan aýrýlarymen aýyratyn syrqattarǵa hımııalyq terapııa júrgizý nátıjesi úshin turaqty júıke-emotsııalyq kúızelis, kezekshilikpen baılanysty qatty sharshaý, ómirge qaýip tóndiretin, dereý sheshim qabyldaýdy talap etetin asqynýlardyń joǵary paıyzy». 2. Mynalardyń kúshi joıyldy dep tanylsyn: 1) «Azamattyq qyzmetshiler laýazymdarynyń tizbesin bekitý týraly» Qazaqstan Respýblıkasy Úkimetiniń 2007 jylǵy 27 qyrkúıektegi № 850 qaýlysy (Qazaqstan Respýblıkasynyń PÚAJ-y, 2007 j., № 35, 394-qujat); 2) «Qazaqstan Respýblıkasy Úkimetiniń «Azamattyq qyzmetshiler laýazymdarynyń tizbesin bekitý týraly» 2007 jylǵy 27 qyrkúıektegi № 850 jáne «Azamattyq qyzmetshilerge, memlekettik bıýdjet qarajaty esebinen ustalatyn uıymdardyń qyzmetkerlerine, qazynalyq kásiporyndardyń qyzmetkerlerine eńbekaqy tóleý júıesi týraly» 2007 jylǵy 29 jeltoqsandaǵy № 1400 qaýlylaryna ózgerister engizý týraly» Qazaqstan Respýblıkasy Úkimetiniń 2014 jylǵy 31 jeltoqsandaǵy № 1427 qaýlysy 1-tarmaǵynyń 1) tarmaqshasy (Qazaqstan Respýblıkasynyń PÚAJ-y, 2014 j., № 88-89, 733-qujat). 3. Osy qaýly 2016 jylǵy 1 qańtardan bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Premer-Mınıstri K.MÁSІMOV.