QR Úkimet basshysy Qazaqstandaǵy ınvestıtsııalyq jaǵdaıǵa túsinik berdi

BІShKEK. QazAqparat – Qazaqstan ekonomıkany qalpyna keltirýde eleýli órleýdi baıqatyp otyr. Bul týraly Bishkekte «Eýropalyq Odaq – Ortalyq Azııa» ekonomıkalyq forýmynda QR Úkimet basshysy Asqar Mamın málim etti, dep habarlaıdy QazAqparat tilshisi.

«Halyqaralyq ekonomıkadaǵy táýekelderge qaramastan, 2021 jylǵy 9 aıda eldiń Jalpy ishki ónimi 3,4 paıyzǵa artty. Osy qarqynnyń arqasynda ekonomıka óndiristiń pandemııanyń aldyndaǵy kórsetkishine jetti», - dedi Asqar Mamın.

Onyń aıtýynsha, ınvestorlarǵa qatysty qadamdar túzelgen, buǵan kapıtal naryǵynyń qarqyny dálál bolyp tur.

«Tikeleı shetel ınvestıtsııasy Qazaqstanda birinshi jartyjyldyqta 30 paıyzdan astam ósti. Al EO-dan tikeleı shetel ınvestıtsııasy 15 paıyzǵa artty», - dedi Úkimet basshysy.

Budan buryn habarlanǵandaı, búgin Bishkekte Premer-Mınıstrler deńgeıinde «Eýropalyq Odaq – Ortalyq Azııa» ekonomıkalyq forýmy bastaldy.

Asqar Mamın sońǵy 10 jylda Eýropalyq odaqqa múshe elder óńirge 110 mlrd eýrodan astam ınvestıtsııa salǵanyn jetkizdi.