QR Úkimet basshysy Qazaqstan Kásipodaqtary federatsııasynyń tóraǵasy S.Muqashevpen kezdesý ótkizdi

ASTANA. 2 naýryz. QazAqparat - Búgin Úkimet úıinde QR Premer-Mınıstri Kárim Másimov Qzaaqstan Kásipodaqtary federatsııasynyń tóraǵasy Sııazbek Muqashevpen kezdesý ótkizdi, dep habarlaıdy QR Úkimet basshysynyń baspasóz qyzmeti.

Kezdesý barysynda 2009-2011 jyldarǵa arnalǵan úshjaqty bas kelisimdi júzege asyrý máseleleri, kásipodaqtardyń Eńbekpen qamtý-2020 baǵdarlamasy men eldiń údemeli ındýstrııalyq-ınnovatsııalyq damýy úshin kásibı-tehnıkalyq jumysshylardy daıyndaýǵa qatysý máseleleri talqylandy.

Eńbek kodeksine engizilgen jáne QR Parlament Májilisinde qaralyp jatqan ózgerister men tolyqtyrýlar týraly pikir almasý boldy.

Sonymen qatar QR Úkimeti men jergilikti atqarýshy organdar tarapynan qolǵa alynyp jatqan azyq-túlik baǵalaryn turaqtandyrý sharalary, kommýnaldyq saladaǵy tarıfterdi qalyptastyrý máselesi talqylandy.