QR UEM: Bıznestiń esep berýin úsh esege deıin qysqartý kerek

ASTANA. QazAqparat - Qazaqstanda bıznestiń memlekettik organdarǵa tapsyrýy tıis anyqtamalary men deklaratsııalary 30 paıyzǵa qysqarýy múmkin. Bul týraly Májiliste QR Ulttyq ekonomıka mınıstri Tımýr Súleımenov málim etti. Májilistiń jalpy otyrysynda mınıstr kásipkerlik qyzmetti retteýdi jetildirý máselelerine qatysty zań jobasy boıynsha baıandama jasaǵan bolatyn, dep habarlaıdy «QazAqparat» HAA tilshisi.

«Qazirgi ýaqytta bızneske aqparattyq qurylǵylardan kóptiginen salmaq túsip jatyr. Naqtyraq aıtqanda, statıstıkadan bastap ár túrli memlekettik organdarǵa berilýi tıis ár túrli deklaratsııalar, esep berý, vedomstvolyq anyqtamalar jeterlik. Olar aýqymdy ári adam resýrsyn kóp qajet etedi. Olardyń jalpy sany - 1 600-ge jýyq. Osy sebepti, bir quqyqtyq-normatıvtik qujatpen aqparattyq qurylǵylardyń tizimin bekitý usynylyp otyr», - deıdi mınıstr.

Tımýr Súleımenovtyń aıtýynsha, atalǵan qurylǵylardy qaıta qaraý men qosý qatań reglamentteledi. Alǵashqy kezeńde aqparattyq qurylǵylardyń sanyn 30 paıyzǵa azaıtý kózdelýde.

Aıta ketsek, QR Parlament Májilisiniń jalpy otyrysynda QR Ulttyq ekonomıka mınıstri Tımýr Súleımenov kásipkerlik qyzmetti retteýdi jetildirý máseleleri boıynsha zań jobasyna qatysty baıandama jasady.