QR TJM ókilderi jaz mezgilinde sýǵa túsý erejesin buzǵan 172 adamǵa aıyppul saldy

NUR-SULTAN. QazAqparat – QR Tótenshe jaǵdaılar mınıstrliginiń ókilderi polıtsııamen jáne volonterlarmen birlesip, bıylǵy jaz mezgilinde shomylý nysandaryna 76649 reıd júrgizgen, dep habarlaıdy QazAqparat QR TJM baspasóz qyzmetiniń málimetterine silteme jasap.

Baspasóz qyzmeti taratqan derekterge qaraǵanda, reıdterdiń netıjesá boıynsha ÁQBK-niń 440-baby «qoǵamdyq oryndarda bolý qaǵıdalaryn buzý» boıynsha 4788 adam ákimshilik jaýapqa tartyldy, sondaı-aq ÁQBK-niń 364-baby «ortaq sý paıdalaný qaǵıdalaryn buzý» boıynsha 5781 adamǵa eskertý jasaldy jáne 172 adamǵa aıyppul salyndy.

Aǵymdaǵy jyly sý aıdyndarynda adam óliminiń aldyn alýdyń jańa ádisteri qoldanyldy. Avıatsııalyq jáne temirjol kóliginiń mýltımedııalyq jabdyqtary sý aıdyndaryndaǵy qaýipsizdik erejelerin saqtaý boıynsha úgit-nasıhat ónimderin taratý úshin paıdalanyldy.

«2GIS» kartografııalyq platformasynda elimizdiń barlyq óńirlerinde sý aıdyndarynda shomylýǵa tyıym salynǵan jáne ruqsat etilgen oryndardyń derekteri ornalastyrylǵan. Soǵan qaramastan sýǵa shomylý kezinde qaıǵyly jaǵdaılar bolyp jatady»,-delingen mınıstrliktiń habarlamasynda.

Osyǵan deıin jazǵy shomylý maýsymynda Qazaqstandaǵy sý nysandarynda 328 adamnyń sýǵa batyp ketkenin habarlaǵan edik.