QR TJM «Batys Eýropa - Batys Qytaı» dálizindegi qaýipsizdik ınfraqurylymyn kúsheıtedi

ASTANA. QazAqparat - QR Tótenshe jaǵdaılar mınıstrligi «Batys Eýropa - Batys Qytaı» dálizindegi qaýipsizdik ınfraqurylymyn kúsheıtedi. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte atalǵan vedomstvonyń basshysy Vladımır Bojko málim etti.

Onyń atap ótýinshe, qazirgi tańda bul joldyń basym bóliginde kólik qozǵalysy jandanyp, avtomobılder aǵyny kúnnen-kúnge arta túsýde. Sonymen qatar jol Qazaqstan ekonomıkasynyń damýyna óz úlesin de qosyp jatyr.

«Qazirgi ýaqytta biz qutqarý jol-eksplýatatsııalyq qyzmetterdi nyǵaıtý baǵytyndaǵy jumystardy qolǵa alyp jatyrmyz», - dedi ol.