QR TJM 106 myńnan astam otbasyny órt qaýpsizdigi boıynsha esepke aldy

ASTANA. QazAqparat – Tótenshe jaǵdaılar mınıstrligi 106 myńnan astam otbasyny órt qaýpsizdigi boıynsha esepke aldy, dep habarlaıdy QazAqparat tilshisi. Bul týraly Tótenshe jaǵdaılar mınıstriniń orynbasary Marat Kúldikov Ortalyq kommýnıkatsııalar qyzmetinde ótken brıfıngide aıtty.

«Jylytý kezeńinde halyqtyń áleýmettik osal sanattaryna erekshe nazar aýdarylady. Jyl saıyn maýsym bastalǵanǵa deıin mınıstrlik áleýmettik qorǵaý organdarymen birlesip olardyń sanyn esepteıdi. Budan ári olar ataýly profılaktıka kórsetý úshin bizdiń esepte turady. Búgingi tańda áleýmettik osal sanattar turatyn 106 myńnan astam turǵyn úı esepke alyndy», - dedi vıtse-mınıstr.

Aıtýynsha, mınıstrlik ókilderi jyl boıynda órt qaýipsizdigi boıynsha reıdter júrgizip, úılerdi aralap turýy kerek. Biraq kemshilik anyqtalǵan úılerge aıyppul salyp jatqan joq.

«Peshter men elektr jabdyqtaryn, gaz jabdyqtary men ballondardy paıdalaný jáne saqtaý boıynsha ádistemelik kómek kórsetý úshin jyl saıyn jylytý maýsymy bastalǵanǵa deıin jáne ol aıaqtalǵanǵa deıin mınıstrliktiń bólimsheleri turǵyn úı sektorynda reıdter men aralaýlar júrgizedi.

Tótenshe jaǵdaılar mınıstrligi jeke turǵyn úı sektoryn jaýapkershilikke tartpaıdy. Tek ózińizdi jáne otbasyńyzdy órtten jáne kómirtegi totyǵymen ýlanýdan qalaı qorǵaýǵa bolatyndyǵy týraly usynystar beredi», - dedi Marat Kúldikov.