QR Tuńǵysh Prezıdenti kúnine oraı elordalyq jetim balalar «Han Shatyrdaǵy» jaǵajaıda tegin demalady
Vedomstvoda balalar úıleriniń tárbıelenýshilerine, turmysy tómen otbasylardan shyqqan, sondaı-aq, ata-anasynyń qamqorlyǵynsyz qalǵan balalarǵa arnalǵan merekelik baǵdarlamalar týraly aıtyp berdi, dep habarlaıdy astana.kz.
«20 qarashada Kámeletke tolmaǵandardy beıimdeý ortalyǵynyń tárbıelenýshileri «Alaý» sport keshenine, 30 qarashada - QR Tuńǵysh Prezıdentiniń Mýzeıine, 27 qarashada - jaǵajaıda demalyp, sýǵa túsý úshin «Han Shatyr» saýda-oıyn saýyq ortalyǵyna barady. 29 qarashada «QR Tuńǵysh Prezıdentiniń kúni» taqyrybynda tárbıe berý sharasy ótedi. 1 jeltoqsanda balalar «Arsenal» kınoteatrynda bolyp qaıtady. Osy kúni merekege oraı Otbasylyq tıptegi balalar úıiniń tárbıelenýshilerine arnalǵan saltanatty is-shara uıymdastyrylady. Sonymen qatar, balalar «N.Á.Nazarbaevtyń Elbasy jáne Prezıdent retinde qalyptasý joly» atty fılmdi tamashalaıdy», - delingen habarlamada.
Eske sala keteıik, 2011 jylǵy 10 jeltoqsanda Parlament Senatynyń plenarlyq otyrysynda «QR Merekeler týraly» QR zańyna tolyqtyrýlar engizý týraly» zań qabyldandy. Respýblıkamyzdyń táýelsizdiginiń 20 jyldyǵyn atap ótý qarsańynda bir top depýtat jańa merekeni bekitý týraly usynys jasady. Qazaqstan Respýblıkasynyń Tuńǵysh Prezıdentiniń kúni Qazaqstannyń birinshi Prezıdenti Nursultan Nazarbaevtyń memleketke sińirgen eńbegin baǵalaý, erekshe atap ótý maqsatynda bekitildi.
Astanada QR Tuńǵysh Prezıdentiniń kúni qarsańynda birqatar merekelik, áleýmettik mańyzdy jáne patrıottyq aktsııalar, kezdesýler men mádenı t.b. is-sharalar uıymdastyrylady.