QR Tuńǵysh Prezıdenti kúni qarsańynda Qazaqstan halqy Assambleıasy el birligin nyǵaıta túsýge baǵyttalǵan birqatar sharalar ótkizedi
Bul týraly Assambleıanyń baspasóz qyzmeti habarlady.
29 qarashada Astana qalasynda, Táýelsizdik saraıynda «TÁÝELSІZDІK. ELBASY. EL BІRLІGІ» kún tártibimen Qazaqstan halqy Assambleıasy Keńesiniń keńeıtilgen otyrysy ótedi. Onda Qazaqstan halqy Assambleıasynyń 2012 jylǵy qyzmetiniń qorytyndylary shyǵarylyp, Assambleıanyń keleshektegi jumysynyń ózekti suraqtary qaralady.
QHA Keńesi otyrysyna QR Memlekettik hatshysy M.A. Qul-Muhammed, QR Mádenıet jáne aqparat mınıstri D.Q. Myńbaı, QHA Tóraǵasynyń orynbasary - QR Prezıdenti Ákimshiliginiń Hatshylyq meńgerýshisi E.L. Toǵjanov, QR Parlamentiniń depýtattary, mınıstrlikter men vedomstvolar ókilderi, Assambleıa músheleri, respýblıkalyq etnomádenı birlestik basshylary, ǵylymı jáne shyǵarmashylyq ıntellıgentsııa qatysady.
30 qarashada «Dýman» qonaq úı kesheninde Qazaqstan halqy Assambleıasynyń ǵylymı-sarapshylyq keńesi jumysyn bastaıdy. Otyrysqa QHA-nyń sarapshylary men ǵalymdar, aımaqtyq QHA ǵylymı-sarapshylyq top jetekshileri, qoǵam qaıratkerleri, joǵary oqý oryndarynyń professorlyq-oqytýshylyq quramy qatysady.
Sol kúni osy jerde QHA janyndaǵy Etnosaralyq qatynastar jónindegi jýrnalıster men sarapshylar klýbynyń otyrysy ótedi, onda BAQ-ta etnosaralyq taqyrypty nasıhattaýdyń ózekti máseleleri qaralatyn bolady. QHA saıtynyń jańa dızaınynyń tusaýkeseri ótedi jáne «Halyqtyq ІRO» baǵdarlamasyn iske asyrý jónindegi respýblıkalyq qoǵamdyq komıssııa tanystyrylady.
Aımaqtyq Qazaqstan halqy assambleıalary 1 jeltoqsan - Qazaqstan Respýblıkasynyń Tuńǵysh Prezıdenti kúnine arnalǵan 80-nen asa taqyryptyq is-sharalar josparlanǵan, onyń ishinde: ǵylymı-tájirıbelik konferentsııalar, etnomádenı birlestikter forýmdary, «dóńgelek ústelder», óner jáne qoldanbaly shyǵarmashylyq festıvalderi, kórmeler, kontsertter, sport jarystary jáne t.b. ótkiziledi