QR Tuńǵysh Prezıdenti kúni Astanada 70-ke jýyq náreste dúnıege keldi

ASTANA. QazAqparat - Elordada Qazaqstan Respýblıkasynyń Tuńǵysh Prezıdenti kúni dúnıege kelgen nárestelerge qurmet kórsetý ıgi dástúrge aınalǵan. Sonymen, Astanada 1 jeltoqsanda 67 náreste, sonyń ishinde 30 ul jáne 37 qyz (onyń ekeýi egiz) dúnıege keldi, dep habarlady elorda ákimdiginiń baspasóz qyzmeti.

QR Tuńǵysh Prezıdenti kúnine oraı sábılerge syılyqtar tabystaldy. Atap aıtqanda, jańa týǵan nárestelerge arnalǵan balalar kostıýmderi men jas analardyń balaǵa durys kútim jasaýyna, emizýden bastap odan ári damýyn qadaǵalaýǵa kómek beretin ata-analarǵa arnalǵan «Qýan, sábı» oqý quraly berildi.

Aıta keteıik, elordanyń perınataldyq ortalyqtarynda kún saıyn orta eseppen 65-70 sábı dúnıe esigin ashady. Jyl basynan beri qala halqynyń jalpy týý kórsetkishi 4%-ǵa ósti, myń adamǵa shaqqanda 29,78-di qurady.