QR Tótenshe jaǵdaılar mınıstrliginiń akademııasyna oqýǵa endi qyzdar da qabyldanady
ShQO Tótenshe jaǵdaılar departamenti men Órt sóndirý jáne avarııalyq-qutqarý jumystary qyzmetinde QR TJM M.Ǵabdýllın atyndaǵy azamattyq qorǵaý akademııasyna oqýǵa túsýge qabyldaý bastaldy.
«Akademııaǵa kúndizgi oqýǵa orta bilimi bar, on alty jasqa tolǵan, densaýlyq jaǵdaıy boıynsha áskerı qyzmetke jáne oqýǵa jaramdy Qazaqstan Respýblıkasynyń azamattary qabyldanady. Jańa ózgeris boıynsha onda qyzdarǵa da túsýge múmkindik bar. Akademııaǵa qabyldaý medıtsınalyq, fızıkalyq jáne psıhofızıologııalyq kórsetkishterge sáıkes irikteý nátıjelerin eskere otyryp, UBT sertıfıkatynyń baldaryna sáıkes konkýrs boıynsha júrgiziledi», - dep habarlady departamenttiń baspasóz qyzmeti.
Kýrsanttardy oqytý respýblıkalyq bıýdjet esebinen júzege asyrylady. Kýrsanttar barlyq oqý kezeńine tegin kıim-keshekpen, tamaqpen jáne memlekettik stıpendııamen qamtamasyz etiledi.
«Sondaı-aq kýrsanttarǵa demalys kezinde jol júrý aqysy tólenedi. Oqý merzimi - 4 jyl. Oqý ýaqyty men merzimi áskerı qyzmet ótkerýmen teńestiriledi», - delingen aqparatta.