QR Syrtqy ister mınıstrliginiń málimdemesi
00:05, 07 Aqpan 2013
ASTANA. 7 aqpan. QazAqparat - Qazaqstan Respýblıkasynyń syrtqy ister mınıstrligi ırandyq ıadrolyq baǵdarlama boıynsha kelissózderdiń kezekti raýndyn Qazaqstanda ótkizý týraly sheshim qabyldanýyna baılanysty Qazaqstan Respýblıkasynyń syrtqy ister mınıstrligi málimdeme jasady.
«Osy jylǵy 4 aqpanda Iran ókilderi jáne ırandyq ıadrolyq baǵdarlama boıynsha halyqaralyq araaǵaıyndyq altylyǵy - Reseı, AQSh, Qytaı, Ulybrıtanııa, Frantsııa jáne Germanııa ókilderi ózara konsýltatsııalardan keıin ırandyq ıadrolyq baǵdarlama boıynsha kelissózderdiń kezekti raýndyn osy jylǵy 26 aqpanda Qazaqstanda (Almaty) ótkizý týraly sheshim qabyldady.
Osyǵan baılanysty QR SІM Qazaqstan bul sheshimdi quptaıtynyn jáne búkil álemde qaýipsizdik pen turaqtylyqty ustap turý úshin óte mańyzy zor osy kelissózderdiń tabysty ótýi úshin barlyq qajetti jaǵdaıdy jáne qolaıly ahýaldy jasaıtynyn málimdeıdi», - delingen qujatta.