QR Syrtqy ister mınıstrliginde koronavırýs máseleleri boıynsha qaýyrt jeli ashyldy
15:01, 28 Qańtar 2020
NUR-SULTAN. QazAqparat – QR Syrtqy ister mınıstrliginde Qytaıda taraǵan koronavırýs máseleleri boıynsha qaýyrt jeli ashyldy, dep habarlaıdy QazAqparat tilshisi.
«QR Syrtqy ister mınıstrliginde QHR-daǵy koronavırýs máseleleri boıynsha qaýyrt jeliler ashylǵanyn habarlaımyz. Jumys ýaqytynda Qazaqstan azamattary kelesi nómirler boıynsha habarlasa alady: +7 (7172) 72-05-49, +7 (7172) 72-01-98, +7 (7172) 72-04-93. Jumystan tys ýaqytta jáne demalys kúnderi +7 (7172) 72-01-11 nómiri boıynsha habarlasýǵa bolady», - delingen vedomstvonyń Telegram -ynda jarııalanǵan aqparatta.
Sonymen qatar, QHR-dyń keıbir qalalarynda karantınniń engizilýine baılanysty Qytaı aýmaǵyndaǵy azamattarymyz úshin Qazaqstannyń Beıjińdegi Elshiliginde +86 10 65324189 telefony boıynsha táýlik boıy qaýyrt jeli ashyldy.