QR strategııalyq zertteýler ınstıtýty: Halyqpen birge Elbasynyń saýyǵýyn tileımiz
***
Búgin Elbasynyń baspasóz hatshysy Aıdos Úkibaı Qazaqstannyń Tuńǵysh Prezıdenti – Elbasy Nursultan Nazarbaevtyń Covid-19-ǵa tapsyrǵan synamasy oń nátıje kórsetkenin habarlady. Soǵan qaramastan Nursultan Ábishuly ózin-ózi oqshaýlap, qashyqtyqtan jumys isteýdi jalǵastyrýda.
Biz Elbasynyń el ıgiligi úshin belsendi jumys istep jatqanynyń kýágerimiz. Bul qazirgi kúrdeli jaǵdaıda, koronavırýs pandemııasyna baılanysty elde engizilgen karantındik sharalardyń áreket etý kezeńinde erekshe qajet. Búgingi tańda suraqtardyń basym bóligi Tuńǵysh Prezıdent basqaratyn Qaýipsizdik Keńesiniń nazarynda tur.
Qazaqstan Respýblıkasynyń Tuńǵysh Prezıdentiniń jumys kestesi tyǵyz, bos ýaqyt joq, oǵan ekijaqty kezdesýler men Nur Otan partııasynyń qyzmetine baılanysty kópjaqty jınalystar, Parlament Májilisindegi partııalyq fraktsııanyń tıimdiligi týraly máseleler kiredi. Alda partııa úshin jaýapty sát – QR Parlamenti Májilisine kezekti saılaý bar. Elbasy partııanyń «qaıta júkteý» protsesin jeke baqylaýynda ustaýda.
Saıası máselelerden basqa, Elbasy áleýmettik turǵydaǵy máselelerge kóp kóńil bóledi, onyń ishinde jastardy damytý jáne
múmkindigi shekteýli balalardy qoldaý boıynsha jobalarǵa bastamashy bolyp, qoldaý kórsetip otyr. Karantın kezinde Elbasy partııaǵa elimizdiń shaǵyn qalalary men aýyldarynyń muqtaj turǵyndaryna erekshe kóńil bólýdi tapsyrdy. «Birgemiz» qorynyń qarajatynan 360 myńnan astam otbasy qarjylaı kómek aldy, 240 myń otbasyna azyq-túlik jetkizildi. Sonymen qatar, 2100-den astam medıtsınalyq uıymdardyń qyzmetkerlerine birrettik qarjylaı kómek berildi. Qor sý tasqynynan zardap shekken Maqtaaral aýdanynyń turǵyndaryna arnalǵan úılerdiń qurylysyna 340 mln teńge bóldi.
Biz Elbasynyń óziniń ómirlik jolyndaǵy qıyn synaqtarda kóp ret jeńiske jetkenindeı, indetti de jeńetinine senimdimiz! Ol – tabıǵatynan Kóshbasshy-Jeńimpaz tulǵa! Biz, halqymyzben birge Nursultan Ábishulyna tezirek saýyǵyp ketýin tileımiz!