QR Sport jáne dene shynyqtyrý isteri agenttigi lotereıalardy ótkizý boıynsha, sondaı-aq oıyn bıznesi salasyndaǵy lıtsenzıar bolyp belgilendi

ASTANA. 3 naýryz. QazAqparat - Serik Ahmetov «Lotereıalardy uıymdastyrý jáne ótkizý, sondaı-aq oıyn bıznesi salasyndaǵy qyzmetti lıtsenzııalaýdyń keıbir máseleleri týraly» QR Úkimetiniń Qaýlysyna qol qoıdy.

* * *

Qazaqstan Respýblıkasy Úkimetiniń qaýlysy

2012 jylǵy 28 jeltoqsan №1716 Astana, Úkimet Úıi

Lotereıalardy uıymdastyrý jáne ótkizý, sondaı-aq oıyn bıznesi salasyndaǵy qyzmetti lıtsenzııalaýdyń keıbir máseleleri týraly

Qazaqstan Respýblıkasynyń Úkimeti qaýly etedi:

1. Qazaqstan Respýblıkasy Sport jáne dene shynyqtyrý isteri agenttigi lotereıalardy uıymdastyrý jáne ótkizý jónindegi lıtsenzııalanatyn qyzmet salasyndaǵy, sondaı-aq oıyn bıznesi salasyndaǵy lıtsenzıar bolyp belgilensin.

2. Qosa berilip otyrǵan biliktilik talaptary jáne lotereıalardy uıymdastyrý jáne ótkizý jónindegi qyzmetti júzege asyrý úshin olarǵa sáıkestigin rastaıtyn qujattardyń tizbesi bekitilsin.

3. «Oıyn bıznesin uıymdastyrýshynyń biliktilik talaptaryna sáıkestigin rastaıtyn qujattardyń tizbesi men nysandaryn bekitý týraly» Qazaqstan Respýblıkasy Úkimetiniń 2011 jylǵy 1 qarashadaǵy № 1261 qaýlysyna (Qazaqstan Respýblıkasynyń PÚAJ-y, 2011 j., № 60, 859-qujat) mynadaı ózgerister engizilsin:

kórsetilgen qaýlymen bekitilgen oıyn bıznesin uıymdastyrýshynyń biliktilik talaptaryna sáıkestigin rastaıtyn qujattardyń tizbesinde:

1-tarmaqta:

birinshi abzats mynadaı redaktsııada jazylsyn:

1. Qazaqstan Respýblıkasyndaǵy oıyn bıznesi salasyndaǵy qyzmetpen aınalysý quqyǵyna arnalǵan lıtsenzııany alý úshin ótinish berýshi Qazaqstan Respýblıkasy Sport jáne dene shynyqtyrý isteri agenttigine (lıtsenzıarǵa) óziniń «Oıyn bıznesi týraly» 2007 jylǵy 12 qańtardaǵy Qazaqstan Respýblıkasynyń Zańynda belgilengen biliktilik talaptaryna sáıkestigin rastaıtyn mynadaı qujattardy usynady:

3) jáne 4) tarmaqshalardyń ekinshi abzatstary alynyp tastalsyn.

4. Mynalardyń kúshi joıyldy dep tanylsyn:

1) «Lotereıalardy uıymdastyrý jáne ótkizý jónindegi qyzmetke qoıylatyn biliktilik talaptaryn bekitý týraly» Qazaqstan Respýblıkasy Úkimetiniń 2007 jylǵy 30 maýsymdaǵy № 551 qaýlysy (Qazaqstan Respýblıkasynyń PÚAJ-y, 2012 j., № 22, 256-qujat);

2) «Qazaqstan Respýblıkasynda lotereıalardy (memlekettik (ulttyq) lotereıadan basqa) uıymdastyrý jáne ótkizý jónindegi qyzmetti lıtsenzııalaý erejesi men oǵan qoıylatyn biliktilik talaptaryn bekitý týraly» Qazaqstan Respýblıkasy Úkimetiniń 2007 jylǵy 30 maýsymdaǵy № 551 qaýlysyna ózgerister engizý týraly» Qazaqstan Respýblıkasy Úkimetiniń 2011 jylǵy 30 qarashadaǵy № 1391 qaýlysy (Qazaqstan Respýblıkasynyń PÚAJ-y, 2012 j., № 4, 76-qujat).

5. Osy qaýly alǵashqy resmı jarııalanǵanynan keıin kúntizbelik jıyrma bir kún ótken soń qoldanysqa engiziledi.

Qazaqstan Respýblıkasynyń Premer-Mınıstri S.AHMETOV.

Qujattyń tolyq mátini.