QR SІM Sırııada túsirilgen beınematerıaldaǵylardyń Qazaqstan azamattyǵyna qatysy bar-joqtyǵyn rastap nemese joqqa shyǵara almaıdy
«QR Atazańyna sáıkes, bizdiń elimizdiń azamattary erkin júrip-turý quqyǵyna ıe, jáne Syrtqy ister mınıstrligi QR azamattarynyń shetelge shyǵýyn qadaǵalamaıdy. Mınıstrlik Qazaqstan azamattaryna shyǵatyn vıza bermeıdi. Onyń quziretine sheteldiń azamattaryna ǵana vıza rásimdeý kiredi, ıaǵnı shyǵatyn emes, kiretin kóshi-qondy retteıdi.
Sonymen qatar, QR SІM quziretine shet elderde bizdiń azamattardyń quqyqtaryn qorǵaýda tek konsýldyq-quqyqtyq qoldaý kórsetý jatady, sondaı-aq tótenshe jaǵdaılarda olardyń qazaqstandyq dıplomatııalyq ókildigine resmı shaǵymdanǵan kezinde bolý elinen shyǵaryp alý kiredi.
Qazirgi tańda QR Syrtqy ister mınıstrligi Sırııada túsirilip alynǵan jáne ınternet jelilerinde taratylǵan beınematerıaldardaǵy adamdardyń Qazaqstan azamattyǵyna qatysy bar-joqtyǵyn rastap nemese joqqa shyǵara almaıdy. Atalǵan tulǵalardyń aty-jónderi beınematerıalda kórsetilmegen, bul óz kezeginde olarda qazaqstandyq tólqujattyń bar ekendigin tekserýge múmkindik bermeıdi. Olar konsýldyq esepke alynbaǵan. Onyń ústine, ózderińizge belgili bolatyndaı, Sırııada qazirgi kezde áskerı is-qımyldar jalǵasýda, sondyqtan jergilikti bılik ókilderi qazaqstandyq taraptyń atalmysh tulǵalardyń azamattyǵyna qatysty resmı suranymyna jaýap berýge múmkindikteri joq. Atalǵan tulǵalar Sırııaǵa Túrkııa aýmaǵynda ornalasqan bosqyndar lageri arqyly Sırııa vızasyn rásimdemeı kirýi múmkin dep boljamdaımyz. Ózderińiz biletindeı, Qazaqstan men Túrkııa arasynda vızasyz júıe ornatylǵan», - delingen QR SІM baspasóz qyzmeti taratqan habarlamada.