QR SІM resmı ókili Ispanııada kóz jumǵan qazaqstandyq bıznesmenge qatysty pikir bildirdi
17:31, 24 Qańtar 2020
NUR-SULTAN. QazAqparat – QR SІM resmı ókili Aıbek Smadııarov Ispanııada kóz jumǵan qazaqstandyq bıznesmenge qatysty suraqqa jaýap berdi, dep habarlaıdy QazAqparat tilshisi.
«Bizdiń konsýl Madrıdten 500 shaqyrym jerdegi oqıǵa ornyna barǵan bolatyn. Ispanııalyq polıtsııa qyzmetkerleri tergeý amaldaryn júrgizdi. Ólim zorlyq-zombylyq jaǵdaıynan kelmegen. Onyń syrqaty bolǵan. Ajaly sodan keldi. Týǵan-týystaryna marqumnyń denesi 2-3 kúnniń ishinde jetkiziletini habarlandy», - dedi Aıbe Smadııarov SІM-de ótken baspasóz máslıhatynda.
Ispanııada qazaqstandyq azamat kóz jumǵany buǵan deıin SІM-nen habarlanǵan bolatyn.