QR SІM orynbasary BUU-nyń Esirtki jáne qylmys jónindegi basqarma basshysymen kezdesti

NUR-SULTAN. QazAqparat - Qazaqstan Syrtqy ister mınıstriniń orynbasary Aqan Rahmetýllın Venaǵa sapary aıasynda BUU Venadaǵy bólimshesiniń basshysy – BUU Bas hatshysynyń orynbasary jáne BUU Esirtki jáne qylmys jónindegi basqarmasynyń Atqarýshy dırektory Ǵada Ýálımen kezdesti, dep habarlaıdy QazAqparat.

QR Syrtqy ister mınıstrligi baspasóz qyzmetiniń habarlaýynsha, taraptar ekijaqty jáne óńirlik áriptestik máselelerin, sonyń ishinde osy jyldyń sońyna deıin qol qoıýy josparlanǵan Aýǵanstan men kórshi elderge arnalǵan óńirlik baǵdarlamanyń jańa tsıkli sheńberindegi yntymaqtastyqty talqylady.

Sonymen qatar, Almaty qalasyndaǵy Esirtki trafıgine qarsy kúres jónindegi Ortalyq Azııa óńirlik aqparattyq úılestirý ortalyǵynyń (OAÓAÚO) áleýetin paıdalaný jáne damytý máseleleri kóterildi.